മുക്കുപണ്ടം പണയപ്പെടുത്തി ലക്ഷങ്ങൾ തട്ടിയെടുക്കാൻ ശ്രമിച്ച സംഘം കണ്ണൂർ പയ്യന്നൂരിൽ പിടിയിൽ

കണ്ണൂർ: മുക്കുപണ്ടം പണയപ്പെടുത്തി ലക്ഷങ്ങൾ തട്ടിയെടുക്കാൻ ശ്രമിച്ച സംഘം കണ്ണൂർ പയ്യന്നൂരിൽ പിടിയിൽ. പയ്യന്നൂർ കോ-ഓപ്പറേറ്റീവ് സർവീസ് സഹകരണ ബാങ്കിൽ തട്ടിപ്പ് നടത്താനെത്തിയപ്പോഴാണ് സംഘം പിടിയിലായത്. തട്ടിപ്പിന്റെ മുഖ്യ സൂത്രധാരൻ കരുനാഗപ്പള്ളി ബാവക്കോട് സ്വദേശി പി.ഷാജഹാൻ ഉൾപ്പെടെ നാല് പേരെ പോലീസ് പിടികൂടി.പാടിയോട്ട്ചാൽ സ്വദേശി ചിറക്കൽ ഹൗസിൽ സിഎ ബൈജു , കാഞ്ഞങ്ങാട് സ്വദേശി വല്ലോം പറമ്പിൽ വി.ജെ രാജൻ, മാടായി വെങ്ങര സ്വദേശി പുന്നക്കൽ ഹൗസിൽ പി.കെ. മൻസൂർ എന്നിവരാണ് പിടിയിൽ ആയ സംഘത്തിലുള്ളവർ. പ്രതികൾ നേരത്തെയും സമാനമായ തട്ടിപ്പിന് പിടിക്കപ്പെട്ടവർ ആണ്.