എന്‍ആര്‍സി പിന്‍വലിക്കുന്നതുവരെ സെന്‍സസ് നടപടികള്‍ നിര്‍ത്തിവയ്ക്കണമെന്നു എസ്ഡിപിഐ
February 16, 2020
തിരുവനന്തപുരം: സിഎഎയും എന്‍ആര്‍സിയും കേന്ദ്രസര്‍ക്കാര്‍ പിന്‍വലിക്കുന്നതുവരെ സെന്‍സസ് നടപടികള്‍ നിര്‍ത്തിവയ്ക്കാന്‍ സംസ്ഥാന സര്‍ക്കാര്‍ തയ്യാറാവണമെന്ന് എസ്ഡിപിഐ സംസ്ഥാന പ്രവര്‍ത്തക സമിതി യോഗം ആവശ്യപ്പെട്ടു.പൗരത്വപ്രക്ഷോഭങ്ങളില്‍ എസ്ഡിപിഐ നുഴഞ്ഞുകയറി പ്രശ്‌നങ്ങളുണ്ടാക്കുന്നു എന്ന മുഖ്യമന്ത്രി പിണറായി വിജയന്റെ പ്രസ്താവന വാസ്തവവിരുദ്ധവും വര്‍ഗീയവിഭജനത്തിലൂടെ വോട്ട് ബാങ്ക് ലക്ഷ്യംവച്ചുള്ളതുമാണെന്നും യോഗം വിലയിരുത്തി.
