പാചകവാതക സിലിൻഡർ വിതരണം ചെയ്തയാൾക്ക് കോവിഡ്; കൊയിലാണ്ടി നഗരസഭയിലെ ഹോട്ടലുകൾ അടച്ചിടാൻ നിർദേശം

കൊയിലാണ്ടി : നഗരത്തിലെ ഹോട്ടലുകളിൽ പാചകവാതക സിലിൻഡർ വിതരണം ചെയ്തയാൾക്ക് കോവിഡ് സ്ഥിരീകരിച്ചു. ഇതേത്തുടർന്ന് ഇയാളുമായി സമ്പർക്ക സാധ്യതയുള്ള ഹോട്ടലുകൾ  ഇനി ഒരു അറിയിപ്പ് ഉണ്ടാകുന്നതുവരെ അടച്ചിടാൻ കളക്ടർ ഉത്തരവിട്ടു. ഹോട്ടലുകളിൽ അണുനശീകരണം നടത്തണം. കൊയിലാണ്ടി മാർക്കറ്റും, ഹാർബറും അടച്ചിട്ടിരിക്കുകയാണ്. ഈ വാർഡിൽ വരുന്ന പുതിയ ബസ് സ്റ്റാൻഡിലും കടകൾ തുറക്കില്ല. കൊയിലാണ്ടി നഗരത്തിൽ ആളുകൾ പൊതുവേ കുറവാണ്. ഓട്ടോറിക്ഷകൾ പലതും ഓട്ടം നിർത്തിയിട്ടുണ്ട്.