കോവിഡ് ; മലപ്പുറത്ത് മൂന്നു മത്സ്യ മൊത്തവിതരണ മാർക്കറ്റുകൾ അടച്ചു
July 21, 2020കോവിഡ് വ്യാപനത്തിന്റെ പശ്ചാത്തലത്തിൽ മലപ്പുറത്ത് മൂന്നു മത്സ്യ മൊത്തവിതരണ മാർക്കറ്റുകൾ അടച്ചു. കൊണ്ടോട്ടി, തിരൂർ, പെരിന്തൽമണ്ണയ്ക്കടുത്തെ പൂപ്പലം മാർക്കറ്റുകളാണ് അടച്ചത്. ഏഴു തൊഴിലാളികൾക്ക് രോഗം സ്ഥിരീകരിച്ചതോടെയാണ് കൊണ്ടോട്ടി മാർക്കറ്റ് അനിശ്ചിതകാലത്തേക്ക് അടച്ചത്. 15-ന് കൊയിലാണ്ടിയിൽനിന്ന് മീനുമായെത്തിയ ഡ്രൈവർക്ക് കോവിഡ് സ്ഥിരീകരിച്ചതോടെയാണ് കൊണ്ടോട്ടിയിൽ പരിശോധന നടത്തിയത്. നാനൂറിലേറെ തൊഴിലാളികൾ മീൻചന്തയിലുണ്ട്. ഇവർ നിരീക്ഷണത്തിൽ കഴിയുകയാണ്. മുൻകരുതലിന്റെ ഭാഗമായാണ് തിരൂർ, പൂപ്പലം മൊത്തമാർക്കറ്റുകൾ അടച്ചത്.
