നാണയം വിഴുങ്ങിയ കുഞ്ഞിന്റെ പോസ്റ്റ്മോര്ട്ടം പൂര്ത്തിയായി; വയറ്റില് രണ്ടു നാണയങ്ങള്
August 3, 2020കൊച്ചി: നാണയം വിഴുങ്ങി മരിച്ച ആലുവ കടുങ്ങല്ലൂര് വളഞ്ഞമ്ബലം നന്ദിനി-രാജു ദമ്ബതികളുടെ മകന് പൃഥ്വിരാജിന്റെ പോസ്റ്റ്മോര്ട്ടം പൂര്ത്തിയായി. കുട്ടി രണ്ട് നാണയങ്ങള് വിഴുങ്ങിയതായി കണ്ടെത്തി. കുട്ടിയുടെ ആന്തരികാവയവങ്ങളുടെ പരിശോധനയും നടത്തും. മരണകാരണം വ്യക്തമാക്കാനാണ് ഇത്.കുട്ടിയെ ചികിത്സയ്ക്കായി മൂന്നു സര്ക്കാര് ആശുപത്രികളില് എത്തിച്ചെങ്കിലും ആവശ്യമായ ചികിത്സ കിട്ടാതെയാണു മരിച്ചതെന്ന് ബന്ധുക്കള് ആരോപിച്ചിരുന്നു.നാണയം വിഴുങ്ങിയ മൂന്ന് വയസ്സുകാരന് മരിച്ച സംഭവത്തില് മെഡിക്കല് കോളജിന് പിഴവ് സംഭവിച്ചിട്ടില്ലെന്ന് ആലപ്പുഴ മെഡിക്കല് കോളജ് ആശുപത്രി സൂപ്രണ്ട് ഡോ. ആര്.വി. രാംലാല് പറഞ്ഞു.