വേടന്‍റെ മാപ്പുപറച്ചിലിന് നൽകിയ ലൈക്ക് പിൻവലിച്ച്‌ ക്ഷമ ചോദിച്ച്‌ നടി പാ‍ർവതി തിരുവോത്ത്
തനിക്കെതിരെ ഉയര്‍ന്ന മീടൂ ആരോപണത്തില്‍ മാപ്പു പറഞ്ഞുകൊണ്ട് രംഗത്തെത്തിയ മലയാളം റാപ്പർ ഹിരണ്‍ ദാസ് മുരളിയുടെ (വേടൻ) ക്ഷമാപണ പോസ്റ്റിന് ലൈക്കടിച്ചതിൽ ക്ഷമചോദിച്ച് നടി പാ‍ർവതി തിരുവോത്ത്.…
തനിക്കെതിരെ ഉയര്‍ന്ന മീടൂ ആരോപണത്തില്‍ മാപ്പു പറഞ്ഞുകൊണ്ട് രംഗത്തെത്തിയ മലയാളം റാപ്പർ ഹിരണ്‍ ദാസ് മുരളിയുടെ (വേടൻ) ക്ഷമാപണ പോസ്റ്റിന് ലൈക്കടിച്ചതിൽ ക്ഷമചോദിച്ച് നടി പാ‍ർവതി തിരുവോത്ത്. കുറച്ച് ദിവസങ്ങൾക്ക് മുമ്പ് വിമൺ എഗെയിനിസ്റ്റ് സെക്ഷ്വൽ ഹരാസ്മെന്‍റെ് എന്ന ഫേസ്ബുക്ക് പേജിലടക്കം ലൈംഗിക ആരോപണം ഉയർന്നതോടെ വേടൻ മാപ്പ് പറച്ചിൽ നടത്തി. ഈ മാപ്പ് പറച്ചിലിന് ലൈക്ക് അടിച്ചതോടെ പാര്‍വതിക്കെതിരെ സോഷ്യല്‍ മീഡിയയില്‍ വലിയ പ്രതിഷേധമുയരുകയുണ്ടായി ഇതിന് പിന്നാലെയാണ് പാര്‍വതി ഇൻസ്റ്റഗ്രാമിൽ ഖേദപ്രകടനം നടത്തിയത്.
https://www.instagram.com/p/CQGZzJcFmW6/
'അതിജീവിച്ചവരോട് ഞാൻ മാപ്പ് ചോദിക്കുന്നു. കുറ്റാരോപിതനായ വേടനെതിരെ ധൈര്യസമേതം രംഗത്തെത്തിയ അതിജീവിച്ചവോരോട് ഞാൻ മാപ്പിരക്കുന്നു. വേടന്‍റെ മാപ്പ് പറഞ്ഞുകൊണ്ടുള്ള പോസ്റ്റില്‍ ഞാൻ ലൈക്ക് അടിക്കാനുള്ള കാരണം ഭൂരിഭാഗം പുരുഷന്മാരും തങ്ങള്‍ തെറ്റ് ചെയ്തുവെന്ന് സമ്മതിക്കാറില്ലെന്നതാണ്. അത് ആഘോഷിക്കപ്പെടേണ്ട ഒന്നല്ലെന്ന് വ്യക്തമായി എനിക്ക് അറിയുകയും ചെയ്യാം. അതിജീവിച്ചവരോടൊപ്പം നില്‍ക്കേണ്ടത് ഏറ്റവും പ്രധാനമാണെന്നും കേസുമായി അവര്‍ മുന്നോട്ടുപോകണമെന്നും ഞാൻ വിശ്വസിക്കുന്നു. അതിജീവിച്ചവരിൽ ചിലര്‍ വേടന്‍റെ മാപ്പ് പറച്ചിൽ ആത്മര്‍ത്ഥമായല്ലെന്ന് പറഞ്ഞതുപ്രകാരം ഞാൻ ലൈക്ക് പിൻവലിച്ചു. എപ്പോഴും ഞാൻ അതിജീവിച്ചവരോടൊപ്പമായിരിക്കും നിലകൊള്ളുക. ഞാൻ മൂലം നിരാശ അനുഭവിക്കാനായതിൽ ഞാൻ ക്ഷമചോദിക്കുന്നു', പാ‍ർവതി ഇൻസ്റ്റയിൽ കുറിച്ചിരിക്കുകയാണ്.
ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളില്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. വായനക്കാരുടെ അഭിപ്രായങ്ങള്‍ ഈവനിംഗ്കേരളയുടേതല്ല
