എസ്​.എസ്​.എല്‍.സി പരീക്ഷഫലം പ്രഖ്യാപിച്ചു; റെക്കോര്‍ഡ്​ വിജയം

എസ്​.എസ്​.എല്‍.സി പരീക്ഷഫലം പ്രഖ്യാപിച്ചു; റെക്കോര്‍ഡ്​ വിജയം

July 14, 2021 0 By Editor

തിരുവനന്തപുരം: എസ്​.എസ്​.എല്‍.സി പരീക്ഷഫലം പ്രഖ്യാപിച്ചു. 99.47 വിജയശതമാനം ബുധനാഴ്ച ഉച്ചക്ക്​ രണ്ടിന്​ വിദ്യാഭ്യാസ മന്ത്രി വി. ശിവന്‍കുട്ടി​ പരീക്ഷ ഫലം പ്രഖ്യാപിച്ചു​. മൂന്നുമണിമുതല്‍ പരീക്ഷഫലം വിവിധ വെബ്​സൈറ്റുകളിലൂടെ അറിയാം.

4,21,887പേര്‍ എസ്​.എസ്​.എല്‍.സി പരീക്ഷ ​എഴുതിയതില്‍ 4,19651 പേര്‍ ഉന്നത വിദ്യാഭ്യാസത്തിന്​ അര്‍ഹത നേടി. 99.47 ശതമാനം വിജയശതമാനം. മുന്‍ വര്‍ഷം ഇത്​ 98.82 ശതമാനമായിരുന്നു. 0.65ശതമാനത്തിന്‍റെ വര്‍ധനയുണ്ടായി.

എല്ലാ വിഷയത്തിലും എ പ്ലസ്​ നേടിയവരുടെ എണ്ണത്തിലും വര്‍ധനയുണ്ടായി. 1,21,318 പേര്‍ എല്ലാ വിഷയത്തിലും എ പ്ലസ്​ നേടി. 41906 പേരാണ്​ മുന്‍ വര്‍ഷം എല്ലാ വിഷയത്തിനും എ പ്ലസ്​ നേടിയത്​. 79412 എ പ്ലസില്‍ വര്‍ധനവ്​.

എസ്​.എസ്​.എല്‍.സി പുതിയ സ്​കീം അനുസരിച്ച്‌​ പരീക്ഷ എഴുതി പ്രൈവറ്റ്​ വിദ്യാര്‍ഥികളുടെ എണ്ണം 645. ഉന്നതവിദ്യാഭ്യാസത്തിന്​ 537 പേര്‍ അര്‍ഹത നേടി. 83.26 വിജയശതമാനം. എസ്​.എസ്​.എല്‍.സി പഴയ സ്​കീം അനുസരിച്ച്‌​ പരീക്ഷ എഴുതി പ്രൈവറ്റ്​ വിദ്യാര്‍ഥികളുടെ എണ്ണം 346. ഉന്നതവിദ്യാഭ്യാസത്തിന്​ 270 പേര്‍ യോഗ്യത നേടി. 78.03 വിജയശതമാനം.

വിജയശതമാനം ഏറ്റവും കൂടുതലുള്ള റവന്യൂ ജില്ല കണ്ണൂര്‍ -99.85 ശതമാനം,വിജയശതമാനം കുറഞ്ഞ റവന്യൂ ജില്ല -വയനാട്​ 98.13 ശതമാനം., വിജയശതമാനം ഏറ്റവും കൂടുതലുള്ള വിദ്യാഭ്യാസ ജില്ല -പാല 99.97ശതമാനം,വിജയശതമാനം കുറവുള്ള വിദ്യാഭ്യാസ ജില്ല -വയനാട്​ 98.13 ശതമാനം.

ഏറ്റവും കൂടുതല്‍ വിദ്യാര്‍ഥികള്‍ക്ക്​ മുഴുവന്‍ എ പ്ലസ്​ നേടിയ വിദ്യാഭ്യാസ ജില്ല -മലപ്പുറം. മലപ്പുറത്ത്​ 7838 പേര്‍ക്ക്​ മുഴുവന്‍ എ പ്ലസ്​ നേടി.

ഗള്‍ഫില്‍ 9വിദ്യാലയങ്ങള്‍. 573 ​വിദ്യാര്‍ഥികള്‍ പരീക്ഷ എഴുതിയതില്‍ 556 പേര്‍ ഉന്നത വിദ്യാഭ്യാസത്തിന്​ അര്‍ഹത നേടി. 97.03 ശതമാനം. മൂന്ന്​ ഗള്‍ഫ്​സെന്‍ററുകളില്‍ 100 ശതമാനം വിജയം നേടി. ലക്ഷദ്വീപില്‍ 9പരീക്ഷ സെന്‍ററുകള്‍ 627 വിദ്യാര്‍ഥികള്‍ പരീക്ഷ എഴുതിയതില്‍ 607 പേര്‍ ഉന്നതവിദ്യാഭ്യാസത്തിന്​ യോഗ്യത നേടി. 96.81 വിജയശതമാനം.

ഏറ്റവും കൂടുതല്‍ കുട്ടികള്‍ പരീക്ഷ എഴുതിയ സെന്‍റര്‍ -പി.കെ.എം.എച്ച്‌​.എസ്​.എസ്​ എടരിക്കോട്​ മലപ്പുറം ജില്ല -2076 വിദ്യാര്‍ഥികള്‍ പരീക്ഷ എഴുതി. കുറവ്​ പരീക്ഷ എഴുതിയ സെന്‍റര്‍ സെന്‍റ്​ തോമസ്​ എച്ച്‌​.എസ്​.എസ്​ നിരണം, പത്തനംതിട്ട -ഒരു വിദ്യാര്‍ഥിയാണ്​ ഇവിടെ പരീക്ഷ എഴുതിയത്​.

ടി.എച്ച്‌.എസ്.എല്‍.സി, ടി.എച്ച്‌.എസ്.എല്‍.സി (ഹിയറിങ്​ ഇംപേര്‍ഡ്), എസ്.എസ്.എല്‍.സി (ഹിയറിങ്​ ഇംപേര്‍ഡ്), എ.എച്ച്‌.എസ്.എല്‍.സി എന്നിവയുടെ ഫലവും പ്രഖ്യാപിച്ചു. ടി.എച്ച്‌.എസ്.എല്‍.സിയില്‍ 48 സ്​കൂളുകളിലായി 2889 വിദ്യാര്‍ഥികള്‍ പരീക്ഷ എഴുതി. 2881പേര്‍ ഉന്നത വിദ്യാഭ്യാസത്തിന്​ അര്‍ഹത നേടി. 99.72 ശതമാനമാണ്​ വിജയശതമാനം. 704 പേര്‍ മുഴുവന്‍ എ പ്ലസിനും അര്‍ഹത നേടി.