മാനസയെ രഖില് പരിചയപ്പെട്ടത് വേറൊരു പ്രണയം തകര്ന്ന ശേഷം; ‘ജീവിതം തകര്ന്നെന്ന് തനിക്ക് രഖില് മെസേജ് അയച്ചു’: വെളിപ്പെടുത്തലുമായി രഖിലിന്റെ സഹോദരന്
July 31, 2021കണ്ണൂര്: മാനസയെ രഖില് പരിചയപ്പെട്ടത് വേറൊരു പ്രണയം തകര്ന്ന ശേഷമെന്ന് സഹോദരന് വ്യക്തമാക്കി. പൊലീസ് വിളിപ്പിച്ച ശേഷവും ബന്ധം വിടാന് രഖില് തയ്യാറായിരുന്നില്ല. മാനസ തള്ളിപ്പറഞ്ഞത് രഖിലിനെ വളരെയധികം തളര്ത്തിയെന്നും കഴിഞ്ഞ കുറച്ച് ദിവസങ്ങളായി ആരോടും സംസാരിക്കാറില്ലായിരുന്നുവെന്നും സഹോദരന് വെളിപ്പെടുത്തി.
ജീവിതം തകര്ന്നെന്ന് തനിക്ക് രഖില് മെസേജ് അയച്ചിരുന്നു. വിദേശത്ത് പോയി പണമുണ്ടാക്കിയാല് ബന്ധം തുടരാനാകുമെന്നായിരുന്നു രഖിലിന്റെ പ്രതീക്ഷയെന്നും സഹോദരന് പറഞ്ഞു. എന്നാല് മാനസയുമായുള്ള സൗഹൃദം തകര്ന്നതില് മാനസീക പ്രയാസങ്ങള് ഇല്ലെന്ന് കുടുംബത്തെ ധരിപ്പിക്കാന് രഖില് ശ്രമിച്ചിരുന്നതായാണ് വിവരങ്ങള് ഉണ്ട്. മറ്റൊരു വിവാഹം ആലോചിക്കാന് തയ്യാറാണെന്നും ഇയാള് കുടുംബത്തെ അറിയിച്ചിരുന്നു.