ചക് ദേ ഇന്ത്യ; കരുത്തരായ ഓസ്‌ട്രേലിയയെ ക്വാർട്ടറിൽ തോൽപ്പിച്ച് ഇന്ത്യൻ വനിതാ ഹോക്കി ടീമും സെമിയിൽ
ടോക്കിയോ: ഇന്ത്യൻ വനിതാ ഹോക്കി ടീമിന് ചരിത്ര നേട്ടം. കരുത്തരായ ഓസ്‌ട്രേലിയയെ ക്വാർട്ടറിൽ ഏക ഗോളിനാണ് ഇന്ത്യ അട്ടിമറിച്ചത്. സെമിയിൽ അർജ്ജന്റീനയാണ് എതിരാളി. ഓസ്‌ട്രേലിയയുടെ എല്ലാ ആക്രമണങ്ങളേയും…
ടോക്കിയോ: ഇന്ത്യൻ വനിതാ ഹോക്കി ടീമിന് ചരിത്ര നേട്ടം. കരുത്തരായ ഓസ്‌ട്രേലിയയെ ക്വാർട്ടറിൽ ഏക ഗോളിനാണ് ഇന്ത്യ അട്ടിമറിച്ചത്. സെമിയിൽ അർജ്ജന്റീനയാണ് എതിരാളി. ഓസ്‌ട്രേലിയയുടെ എല്ലാ ആക്രമണങ്ങളേയും പ്രതിരോധിക്കാൻ ഇന്ത്യൻ നിരയ്‌ക്കായി. രണ്ടാം ക്വാർട്ടറിൽ ഗുർജിത്ത് കൗറാണ് ഇന്ത്യയുടെ വിജയഗോൾ നേടിയത്. ഇരുപത്തിരണ്ടാം മിനിറ്റിൽ കിട്ടിയ പെനാൽറ്റി കോർണർ സമർഥമായി വലയിലെത്തിക്കുകയായിരുന്നു.ഈ ലീഡ് അവസാന വരെ കരുത്തുറ്റ പ്രതിരോധം കൊണ്ട് കാത്തുസൂക്ഷിക്കുകയായിരുന്നു ഇന്ത്യ. ഗോള്‍കീപ്പര്‍ സവിത പുനിയയുടെ അസാമാന്യ പ്രകടനമാണ് ഇന്ത്യയുടെ വിജയത്തിന് വഴിവച്ചത്.ലോക ഹോക്കിയിൽ ഓസ്‌ട്രേലിയക്കേറ്റത് വൻ അട്ടിമറിയാണ്. പത്തോളം താരങ്ങൾ കൊറോണ ബാധിതരായി പ്രതിസന്ധി നേരിട്ട ടീം ഇന്ത്യ ആദ്യ മത്സരങ്ങളിലെ ഏറ്റ തോൽവിയെ മറികടന്നാണ് ഇന്ത്യ മുന്നേറിയത്.
ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളില്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. വായനക്കാരുടെ അഭിപ്രായങ്ങള്‍ ഈവനിംഗ്കേരളയുടേതല്ല
