നിര്‍മ്മാണം ഹൈക്കോടതി ഉത്തരവിനെ മറികടന്ന്: കെ.എസ്.ഇ.ബി ഭൂമി വിവാദത്തില്‍ പുതിയ തെളിവുകള്‍ പുറത്ത്
February 16, 2022
തിരുവനന്തപുരം: ഹൈക്കോടതി ഉത്തരവ് പോലും തള്ളിയാണ് മുന്നാറിലെ കെ.എസ്.ഇ.ബി ഭൂമിയില്‍ അനധികൃത നിര്‍മ്മാണം നടത്തിയതെന്ന് വ്യക്തമാക്കുന്ന തെളിവുകള്‍ പുറത്ത്. സി പി ഐ എം ഭരിക്കുന്ന മൂന്നാര്‍ സഹകരണ ബാങ്കിനാണ് ഭൂമി നല്‍കിയിരുന്നത്.
ഇവിടെ കളക്ടറുടെ എന്‍ ഒ സി വാങ്ങാതെ നിര്‍മ്മാണം നടത്തി. എന്‍ ഒ സി വേണമെന്ന ഹൈക്കോടതി ഉത്തരവും ലംഘിച്ചു. പിന്നീട് ഇതിനെതിരെ പരാതികളുയര്‍ന്നപ്പോള്‍ ഹൈക്കോടതി തടയുകയായിരുന്നു. മാത്രമല്ല, നിര്‍മ്മാണ പ്രവര്‍ത്തനങ്ങള്‍ നടന്നത് അതീവ സുരക്ഷ മേഖലയില്‍ ആണെന്നും കണ്ടെത്തിയിട്ടുണ്ട്. അതേസമയം എന്‍ ഒ സിക്ക് അപേക്ഷ നല്‍കിയിരുന്നുവെന്ന് ബാങ്ക് പ്രസിഡന്റ് കെ വി ശശി പറഞ്ഞു.
കൂടുതൽ വാർത്തകൾക്കും തത്സമയ വീഡിയോകൾക്കും ഞങ്ങളുടെ വാട്സാപ് ഗ്രൂപ്പിൽ അംഗമാകുക
കഴിഞ്ഞ പിണറായി സര്‍ക്കാരിന്റെ കാലത്ത് സി പി എം നിയന്ത്രണത്തിലുള്ള സൊസൈറ്റിക്ക് മൂന്നാറില്‍ ഹൈഡല്‍ ടൂറിസം പദ്ധതിക്ക് ഭൂമി നല്‍കിയത് ബോര്‍ഡ് അറിയാതെ ആണെന്നായിരുന്നു കെ എസ് ഇ ബി ചെയര്‍മാന്‍ ഡോ.ബി.അശോകിന്റെ ആരോപണം. ഇതേത്തുടര്‍ന്ന് രേഖകള്‍ വീണ്ടും പരിശോധിക്കുമെന്ന് വൈദ്യുതി മന്ത്രി കെ കൃഷ്ണന്‍ കുട്ടി വ്യക്തമാക്കിയിരുന്നു.
