മെകുനു ചുഴലിക്കാറ്റ്: കാണാതായ മലയാളിയുടെ മൃതദേഹം കണ്ടെത്തി
സൗദി : മെകുനു ചുഴലിക്കാറ്റിന്റെ ഭാഗമായുണ്ടായ പേമാരിയില്‍ വാദിയില്‍ ഒഴുക്കില്‍ പെട്ട് കാണാതായ മലയാളിയുടെ മൃതദേഹം കണ്ടെത്തി. തലശേരി ധര്‍മ്മടം പാളയാട് ചെള്ളാത്ത് മധുവിന്റെ മൃതദേഹം കഴിഞ്ഞ…
സൗദി : മെകുനു ചുഴലിക്കാറ്റിന്റെ ഭാഗമായുണ്ടായ പേമാരിയില്‍ വാദിയില്‍ ഒഴുക്കില്‍ പെട്ട് കാണാതായ മലയാളിയുടെ മൃതദേഹം കണ്ടെത്തി. തലശേരി ധര്‍മ്മടം പാളയാട് ചെള്ളാത്ത് മധുവിന്റെ മൃതദേഹം കഴിഞ്ഞ ദിവസം രാവിലെയാണ് കണ്ടെത്തിയത്.
സുല്‍ത്താന്‍ ഖാബൂസ് ആശുപത്രിയിലാണ് മൃതദേഹം സൂക്ഷിച്ചിരിക്കുന്നത്. മെയ് 25ന് വൈകുന്നേരമാണ് മധുവും ഹൈദരാബാദ്, ഝാര്‍ഖണ്ഡ് സ്വദേശികളായ സുഹൃത്തുക്കളും അപകടത്തില്‍പെട്ടത്. അപകടത്തില്‍ ഹൈദരാബാദ് സ്വദേശിയൊഴികെ മറ്റ് രണ്ട് പേരും മരിച്ചു.
മണ്ണില്‍ പുതഞ്ഞ നിലയിലാണ് മധുവിന്റെ മൃതദേഹം കണ്ടെത്തിയത്. കാണാതായി രണ്ടാഴ്ചക്ക് ശേഷമാണ് മൃതദേഹം കണ്ടെത്തിയത്. മൃതദേഹം എംബാം ചെയ്ത് നാട്ടില്‍ കൊണ്ട് പോകാന്‍ സാധിക്കാത്തതിനാല്‍ സലാലയില്‍ സംസ്‌കരിക്കാനാണ് തീരുമാനിച്ചിരിക്കുന്നത്.
ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളില്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. വായനക്കാരുടെ അഭിപ്രായങ്ങള്‍ ഈവനിംഗ്കേരളയുടേതല്ല
