എട്ടും ഒന്‍പതും വയസുള്ള മക്കളെ മുറിയില്‍ പൂട്ടിയിട്ട്‌ മര്‍ദ്ദിച്ചു; മലപ്പുറത്ത് പിതാവ്‌ അറസ്‌റ്റില്‍
മലപ്പുറം: എട്ടും ഒന്‍പതും വയസുള്ള മക്കളെ മുറിയില്‍ പൂട്ടിയിട്ടു കേബിള്‍ വയറുകൊണ്ടും ചൂരല്‍കൊണ്ടും മാരകമായി മര്‍ദ്ദിച്ച പിതാവ്‌ അറസ്‌റ്റില്‍. മലപ്പുറം തൂത ഒലിയത്ത്‌ സ്വദേശി തചങ്ങോട്ടില്‍ മുഹമ്മദ്‌…
മലപ്പുറം: എട്ടും ഒന്‍പതും വയസുള്ള മക്കളെ മുറിയില്‍ പൂട്ടിയിട്ടു കേബിള്‍ വയറുകൊണ്ടും ചൂരല്‍കൊണ്ടും മാരകമായി മര്‍ദ്ദിച്ച പിതാവ്‌ അറസ്‌റ്റില്‍.
മലപ്പുറം തൂത ഒലിയത്ത്‌ സ്വദേശി തചങ്ങോട്ടില്‍ മുഹമ്മദ്‌ ബഷീറി(35)നെയാണ്‌ പെരിന്തല്‍മണ്ണ സി.ഐ. അലവിയുടെ നിര്‍ദേശപ്രകാരം എസ്‌.ഐ. യാസറും സംഘവും അറസ്‌റ്റ്‌ ചെയ്‌തത്‌. പ്രതിയെ പെരിന്തല്‍മണ്ണ കോടതി റിമാന്‍ഡ്‌ ചെയ്‌തു. ചൈല്‍ഡ്‌ ലൈനില്‍നിന്നു വിവരം ലഭിച്ചതിന്റെ അടിസ്‌ഥാനത്തില്‍ പെരിന്തല്‍മണ്ണ പോലീസ്‌ നടത്തിയ വിശദമായ അന്വേഷണത്തിലാണ്‌ കൂടുതല്‍ കാര്യങ്ങള്‍ പുറത്തറിഞ്ഞത്‌.
ഓട്ടോ റിക്ഷാ ഡ്രൈവറായ ബഷീര്‍ സ്‌ഥിരമായി ഭാര്യയെയും കുട്ടികളെയും അടിച്ചുപരുക്കേല്‍പ്പിച്ചിരുന്നു. മര്‍ദനശേഷം ഓട്ടോയുമായി പുറത്തുപോകുന്ന ബഷീര്‍ തിരിച്ചുവരുമ്പോഴാണ്‌ പൂട്ടിയിട്ട മുറി തുറന്നുകൊടുക്കാറുണ്ടായിരുന്നത്‌.
ഇയാള്‍ക്ക് മന്ത്രവാദവുമായി ബന്ധമുണ്ടെന്ന് സംശയമുള്ളതായാണ് പൊലീസ് വിശദമാക്കുന്നത്. ഇതേക്കുറിച്ചും അന്വേഷണം നടക്കുന്നതായി പൊലീസ് പറഞ്ഞു.
ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളില്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. വായനക്കാരുടെ അഭിപ്രായങ്ങള്‍ ഈവനിംഗ്കേരളയുടേതല്ല
