രാജ്യത്ത് 12,591 പ്രതിദിന കോവിഡ് രോഗികൾ; എട്ട് മാസത്തിനിടയിലെ ഏറ്റവും ഉയര്‍ന്ന നിരക്ക്

40 പേരുടെ മരണം കൂടി രേഖപ്പെടുത്തിയതോടെ ഇന്ത്യയിലെ ആകെ കോവിഡ് മരണസംഖ്യ 5,31,230 ആയി. പ്രതിദിന പോസിറ്റിവിറ്റി നിരക്ക്, പ്രതിവാര പോസിറ്റീവിറ്റി നിരക്ക് എന്നിവ യഥാക്രമം 5.46 ശതമാനം, 5.32 ശതമാനം എന്നിങ്ങനെയാണ്. ആകെ രോഗബാധിതരുടെ 0.15 ശതമാനമാണ് നിലവിലെ സജീവ രോഗികളുടെ എണ്ണം. രോഗമുക്തി നിരക്ക് ദേശീയതലത്തില്‍ 98.67 ശതമാനമാണെന്ന് ആരോഗ്യ മന്ത്രാലയത്തിന്റെ കണക്കുകള്‍ വ്യക്തമാക്കുന്നു. രോഗമുക്തി നേടിയവരുടെ എണ്ണം 4,42,61,476 ആയി. രാജ്യത്ത് ഇതുവരെ 4.48 കോടി പേര്‍ക്കാണ് കോവിഡ് ബാധിച്ചത്. രോഗബാധ മൂലമുള്ള മരണനിരക്ക് 1.18 ശതമാനമാണ്.

വാക്‌സിനേഷന്‍ യജ്ഞത്തിലൂടെ 220,66 കോടി ഡോസ് കോവിഡ് വാക്‌സിന്‍ ഇതിനോടകം രാജ്യത്താകമാനം വിതരണം ചെയ്തതായും മന്ത്രാലയത്തിന്റെ കണക്കുകള്‍ വ്യക്തമാക്കുന്നു.