ബാങ്ക് ഓഡിറ്റിങ്ങില്‍ തെറ്റ് വരുത്തുന്നവര്‍ക്കെതിരെ നടപടിയെടുക്കും: ആര്‍ബിഐ
കൊല്‍ക്കത്ത: ബാങ്ക് ഓഡിറ്റിങ്ങില്‍ തെറ്റ് വരുത്തുന്ന അംഗീകാരമുള്ള ഓഡിറ്റിങ്ങ് ജീവനക്കാര്‍ക്കെതിരെ നടപടിയെടുക്കുമെന്ന് റിസര്‍വ്വ് ബാങ്ക്. തെറ്റ് ഗുരുതരമായാല്‍ പുതിയ ഓഡിറ്റിങ്ങിനുള്ള അനുമതി നിഷേധിക്കുമെന്നും ആര്‍ ബി ഐ…
കൊല്‍ക്കത്ത: ബാങ്ക് ഓഡിറ്റിങ്ങില്‍ തെറ്റ് വരുത്തുന്ന അംഗീകാരമുള്ള ഓഡിറ്റിങ്ങ് ജീവനക്കാര്‍ക്കെതിരെ നടപടിയെടുക്കുമെന്ന് റിസര്‍വ്വ് ബാങ്ക്. തെറ്റ് ഗുരുതരമായാല്‍ പുതിയ ഓഡിറ്റിങ്ങിനുള്ള അനുമതി നിഷേധിക്കുമെന്നും ആര്‍ ബി ഐ വ്യക്തമാക്കി.
നിലവിലെ രീതികള്‍ക്ക് എത്രത്തോളം അന്തരം വരുത്തുന്നുവെന്നതിനെ ആശ്രയിച്ചാണ് നടപടി സ്വീകരിക്കുകയെന്നും അറിയിച്ചിട്ടുണ്ട്. രാജ്യത്തിന്റെ സാമ്പത്തിക ഭദ്രതയ്ക്ക് ഓഡിറ്റര്‍മാരുടെ സംഭാവനകള്‍ വലുതാണെങ്കിലും ബാങ്ക് വായ്പ സംബന്ധമായ പ്രശ്‌നങ്ങള്‍ പുറത്ത് വരാന്‍ തുടങ്ങിയതോടെയാണ് ആര്‍ ബി ഐ കര്‍ശന നടപടികള്‍ സ്വീകരിക്കുന്നത്.
റിസര്‍വ്വ് ബാങ്ക് നടത്തിയ പരിശോധനയില്‍ ഐസിഐസിഐ, ആക്‌സീസ് ഉള്‍പ്പെടെയുള്ള ബാങ്കുകളുടെ ഓഡിറ്റിങ്ങില്‍ കൃത്രിമത്വം കണ്ടെത്തിയിരുന്നു. ഇവരുടെ ആസ്തി സംബന്ധിച്ച കൃത്യമായ വിവരങ്ങള്‍ നല്‍കിയില്ലെന്നതാണ് കണ്ടെത്തിയ കുറ്റം. ഓഡിറ്റര്‍മാര്‍ നല്‍കുന്ന ഓഡിറ്റ് റിപ്പോര്‍ട്ടുകളില്‍ തെറ്റായ സര്‍ട്ടിഫിക്കേഷനുകളും കണ്ടെത്തിയിരുന്നു.
ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളില്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. വായനക്കാരുടെ അഭിപ്രായങ്ങള്‍ ഈവനിംഗ്കേരളയുടേതല്ല
