വ​നി​ത ടി20 ​ലോ​ക​ക​പ്പ് ക്രി​ക്ക​റ്റ് യോ​ഗ്യ​ത; കു​വൈ​ത്തി​ന് വി​ജ​യ തു​ട​ക്കം

കു​വൈ​ത്ത് സി​റ്റി: വ​നി​ത ടി20 ​ലോ​ക​ക​പ്പ് ക്രി​ക്ക​റ്റ് യോ​ഗ്യ​ത മ​ത്സ​ര​ത്തി​ൽ കു​വൈ​ത്തി​ൽ കു​വൈ​ത്തി​ന് വി​ജ​യ തു​ട​ക്കം. ആ​ദ്യ മ​ത്സ​ര​ത്തി​ൽ ചൈ​ന​യെ 30 റ​ൺ​സി​ന് തോ​ൽ​പി​ച്ച് കു​വൈ​ത്ത് വ​നി​ത​ക​ൾ പ്ര​തീ​ക്ഷ നി​ല​നി​ർ​ത്തി. ചെ​റി​യ സ്കോ​റി​ന് പു​റ​ത്താ​​യെ​ങ്കി​ലും ചൈ​ന​യെ അ​തി​ലും കു​റ​ഞ്ഞ സ്കോ​റി​ൽ ഒ​തു​ക്കി കു​വൈ​ത്ത് വി​ജ​യം നേ​ടി. ആ​ദ്യം ബാ​റ്റു​ചെ​യ്ത കു​വൈ​ത്ത് 20 ഓ​വ​റി​ൽ 83 റ​ൺ​സ് നേ​ടി. മ​റു​പ​ടി ബാ​റ്റി​ങ്ങി​നി​റ​ങ്ങി​യ ചൈ​ന​യെ 16 ഓ​വ​റി​ൽ 53 റ​ൺ​സി​ൽ ചു​രു​ട്ടി​ക്കെ​ട്ടി​യാ​ണ് കു​വൈ​ത്ത് വി​ജ​യം പി​ടി​ച്ചു​വാ​ങ്ങി​യ​ത്.

വ​ൻ സ്കോ​ർ ല​ക്ഷ്യം വെ​ച്ച് ഇ​റ​ങ്ങി​യ കു​വൈ​ത്ത് വ​നി​ത​ക​ൾ​ക്ക് തു​ട​ക്കം പി​ഴ​വോ​ടെ​യാ​യി​രു​ന്നു. ഓ​പ​ൺ ചെ​യ്ത ക്യാ​പ്റ്റ​ൻ അം​ന​താ​രീ​ഖും മ​ല​യാ​ളി താ​രം പ്രി​യ​ദ മു​ര​ളി​യും ര​ണ്ടു റ​ൺ​സു​വീ​തം എ​ടു​ത്തു​മ​ട​ങ്ങി. തു​ട​ർ​ന്ന് ര​ണ്ടു പേ​രും പെ​ട്ടെ​ന്നു​മ​ട​ങ്ങി. ര​ണ്ട​ക്കം ക​ണ്ട മ​റി​യം ഉ​മ​ർ (16), സി​യോ​ബാ​ൻ ഗോ​മ​സ് (25) എ​ന്നി​വ​രു​ടെ ചെ​റു​ത്തു നി​ൽ​പാ​ണ് കു​വൈ​ത്തി​ന് പൊ​രു​താ​നു​ള്ള സ്കോ​ർ സ​മ്മാ​നി​ച്ച​ത്. വി​ജ​യ​ല​ക്ഷ്യ​വു​മാ​യി മ​റു​പ​ടി ബാ​റ്റി​ങ്ങി​നി​റ​ങ്ങി​യ ചൈ​ന​ക്ക് കു​വൈ​ത്ത് ബൗ​ളി​ങ്ങി​ന് മു​ന്നി​ൽ പി​ടി​ച്ചു​നി​ൽ​ക്കാ​നാ​യി​ല്ല.16 ഓ​വ​റി​ൽ 53 റ​ൺ​സി​ന് ചൈ​നീ​സ് താ​ര​ങ്ങ​ൾ കൂ​ടാ​രം ക​യ​റി. കു​വൈ​ത്തി​നാ​യി മ​ല​യാ​ളി താ​രം പ്രി​യ​ദ മു​ര​ളി മൂ​ന്നു ഓ​വ​റി​ൽ എ​ട്ടു റ​ൺ​സ് മാ​ത്രം വി​ട്ടു​ന​ൽ​കി ര​ണ്ടു വി​ക്ക​റ്റ് വീ​ഴ്ത്തി. ഞാ​യ​റാ​ഴ്ച ഹോ​ങ്കോ​ങ്ങു​മാ​യും തി​ങ്ക​ളാ​ഴ്ച താ​യ്‍ല​ൻ​ഡു​മാ​യും ബു​ധ​നാ​ഴ്ച മ്യാ​ന്മ​റു​മാ​യു​മാ​ണ് കു​വൈ​ത്തി​ന്റെ അ​ടു​ത്ത മ​ത്സ​ര​ങ്ങ​ൾ.