ക്രിസ്മസ് അടുത്തതോടെ ടിക്കറ്റ് നിരക്ക് വര്‍ധിപ്പിച്ച് അന്തര്‍ സംസ്ഥാന സ്വകാര്യബസുകള്‍ ; കേരളത്തിലേക്ക് 6000 രൂപ

ക്രിസ്മസ് അടുത്തതോടെ കര്‍ണാടക  അടക്കമുള്ള അയൽസംസ്ഥാനങ്ങളിൽ നിന്ന് കേരളത്തിലേക്ക് യാത്ര ചെയ്യാൻ മാർഗമില്ലാതെ   മലയാളികൾ. ബെംഗളുരുവിൽ നിന്ന്  തിരുവനന്തപുരത്തേക്ക്  ക്രിസ്മസിന് തൊട്ടുമുൻപുള്ള ദിവസങ്ങളിൽ 6000 രൂപയാണ് സ്വകാര്യ ബസുകളിലെ നിരക്ക്.

ട്രെയിനുകളിൽ വിഷുവരെയുള്ള ടിക്കറ്റ് ബുക്കിങ് ഇപ്പോഴേ  വെയ്റ്റിങ് ലിസ്റ്റിൽ ആണ്.  തോന്നിയ പോലെയുള്ള  നിരക്ക് വർധന തടയാൻ സർക്കാർ ഇടപെടണമെന്ന  ആവശ്യം പതിവ് പോലെ ഉയർന്നിട്ടുണ്ടെങ്കിലും  നടപടികൾ ഒന്നും ഇതുവരെ ഉണ്ടായിട്ടില്ല