അന്യമതക്കാരന്റെ ഒപ്പം ഒളിച്ചോടിയതല്ല! ഇഷ്ടപ്പെട്ടു വിവാഹം കഴിച്ചു; കുഞ്ഞിനെ ഉപേക്ഷിച്ചില്ല; എന്റെ പൈതൽ കൂടെയുണ്ട്....മതത്തിന്റെ പേരിൽ സൈബർ ആക്രമണം ; പ്രതികരിച്ച്‌ നസ്രിയ സുല്‍ത്താൻ

നസ്‌റിയ സുൽത്താനെ nasriya-sulthan അറിയാത്ത റീൽസ് പ്രേമികൾ കുറവായിരിക്കും. 515K ഫോളോവേഴ്സ് ഇൻസ്റ്റയിൽ മാത്രമുള്ള നസ്രിയ യൂട്യൂബർ കൂടിയാണ്. താരത്തിന്റെ റീൽസ് വീഡിയോസിനു എല്ലാം വമ്പൻ റീച്ചാണ് കിട്ടിയതും നിലവിൽ കിട്ടുന്നതും. എന്നാൽ ദിവസങ്ങൾ ഏറെ ആയി നസ്രിയ സൈബർ അറ്റാക്കിന്റെ ഇരയാണ്. കടുത്ത രീതിയിലുള്ള അറ്റാക്കാണ് നസ്രിയ നേരിടുന്നത്. ഇതുവരെ സ്നേഹിച്ചു കമന്റുകൾ പങ്കിട്ടവർ പോലും നസ്‌റിയയ്ക്ക് എതിരെ വളരെ മോശമായ രീതിയിൽ കമന്റുകൾ പങ്കിട്ടുകൊണ്ട് രംഗത്ത് വന്നു. കാരണം മറ്റൊന്നും ആയിരുന്നില്ല, നസ്രിയ വീണ്ടും വിവാഹം കഴിച്ചു.

വിവാഹം കഴിച്ചത് മാത്രമല്ല, അത് ഇന്റർ റിലീജ്യൻ വിവാഹം കൂടി ആയി എന്നുള്ളതാണ് ചില ആളുകളെ ചൊടിപ്പിച്ചത്. അതോടെ നസ്‌റിയയ്ക്ക് എതിരെ തിരിയുകയായിരുന്നു മിക്കവരും. നസ്രിയ മകനെ ഉപേക്ഷിച്ചു അന്യമതസ്ഥന്റെ ഒപ്പം ഒളിച്ചോടി പോയി. കുഞ്ഞിനെ യത്തീം ഖാനയിൽ ഏൽപ്പിച്ചു എന്നിങ്ങനെ ഒരായിരം കമന്റുകൾ നിറയുന്നുണ്ട്.

നസ്രിയയുടെ ഉമ്മച്ചിയും മകൾക്ക് എതിരെ രംഗത്ത് വന്നു. അതോടെയാണ് മതം മാറി പോയി നസ്രിയ വിവാഹം കഴിച്ചതിനെ ചൊല്ലിയുള്ള പല ചർച്ചകളും നടന്നത്. എന്നാൽ താൻ സ്വന്തം ഇഷ്ടത്തോടെയാണ് വിവാഹം ചെയ്തത്. കുഞ്ഞിനെ താൻ എവിടെയും ഉപേക്ഷിച്ചില്ല. പൈതൽ കൂടെ തന്നെയുണ്ട്. കുഞ്ഞിനേയും എന്നെയും പൂർണ്ണ മനസ്സോടെ സ്നേഹിക്കുന്ന ഒരാൾ ആണ് തന്റെ ഭർത്താവെന്നും നസ്രിയ പറയുന്നു.

ഇവിടെ മതം ആണ് വിഷയം എന്നും തനിക്ക് അങ്ങനെ മതം ഒരു വിഷയം അല്ല, എല്ലാ മതവും തനിക്ക് ഒരേപോലെയാണ്. സന്തോഷത്തോടെയും സമാധാനത്തോടെയും ജീവിക്കണം എന്നെ ആഗ്രഹം ഉള്ളൂ..

എന്റെ കുഞ്ഞിനെ ഉപേക്ഷിച്ചു പോകാൻ ആണെങ്കിൽ നേരത്തെ ആകാമായിരുന്നു. ഇത്രയും ടൈം കളയേണ്ട കാര്യം ഉണ്ടോ. ഞാൻ എന്റെ കുഞ്ഞിന് വേണ്ടിയാണു ഇത്ര കാലം ജീവിച്ചത്. ഇനിയുള്ള എന്റെ ജീവിതവും അങ്ങനെ ആകും. ഞങ്ങളെ ജീവിക്കാൻ അനുവദിച്ചാൽ മാത്രം മതി. എന്നാൽ ഇപ്പോഴത്തെ ചില വീഡിയോസും കമന്റുകളും കാണുമ്പൊൾ മരിച്ചാൽ മതി എന്നാണ് ചിന്ത.

ഞാൻ ഇത് വരെയും വീഡിയോ പങ്കിടുമ്പോൾ മൈൻഡ് ചെയ്യാത്തവർ പോലും എന്നെ അസഭ്യം പറയാൻ ആണ് കൂടുന്നത്. ഇത് എന്തിനാണ് എന്ന് മാത്രം മനസിലാകുന്നില്ല. ഏറെക്കാലമായി ഞാനും കുഞ്ഞും ഒറ്റയ്ക്ക് ആണ് താമസം.

ചെറിയ ഒരു ജോലി ഉണ്ടായിരുന്നു. കുഞ്ഞിന്റെ കാര്യങ്ങൾ എല്ലാം നോക്കിയതും ഞാൻ ആണ്. അപ്പോഴാണ് ഞങ്ങളെ പൊന്നുപോലെ നോക്കാൻ ഒരാൾ വന്നത്. അപ്പോൾ ഞാൻ എന്ത് വേണമായിരുന്നു. എന്നും ഒറ്റക്ക് നരകത്തിൽ കിടക്കണം എന്നായിരുന്നോ നിങ്ങൾ പറയുന്നത്. എന്റെ കുഞ്ഞിനെ ഉപേക്ഷിച്ചുകൊണ്ട് ഞാൻ ഒന്നും നേടാൻ എവിടെയും പോയില്ല. അവൻ എന്റെ കൂടെ തന്നെയുണ്ട്. ഞാൻ എവിടെയാണോ അവിടെയാണ് അവനും- നസ്രിയ ആവർത്തിക്കുന്നു.