ശിവശങ്കറിനെ ചോദ്യം ചെയ്യുന്നത് 8 മണിക്കൂർ പിന്നിട്ടു

തിരുവനന്തപുരം ; സ്വര്‍ണക്കടത്ത് കേസ് അന്വേഷണത്തിന്റെ ഭാഗമായി മുഖ്യമന്ത്രിയുടെ മുന്‍ പ്രിന്‍സിപ്പല്‍ സെക്രട്ടറിയും ഐടി സെക്രട്ടറിയുമായിരുന്ന എം ശിവശങ്കറിനെ ചോദ്യം ചെയുന്നത് 8 മണിക്കൂറായി തുടരുന്നു. തിരുവനന്തപുരത്തെ കസ്റ്റംസ് ഓഫീസില്‍ വെച്ചാണ് ചോദ്യംചെയ്യുന്നത് . നേരത്തെ കസ്റ്റംസ് ഡി.ആര്‍.ഐ സംഘം ശിവശങ്കറിന്റെ തിരുവനന്തപുരത്തെ വീട്ടിലെത്തി ചോദ്യംചെയ്യലിന് ഹാജരാകാന്‍ ആവശ്യപ്പെട്ടുകൊണ്ടുള്ള നോട്ടീസ് നല്‍കിയിരുന്നു. തുടര്‍ന്ന് ശിവശങ്കർ കസ്റ്റംസ് ഓഫീസിലേക്കെത്തുകയായിരുന്നു.ചോദ്യം ചെയ്യലിൽ നിർണായക വിവരങ്ങൾ ലഭിച്ചതായാണ് അറിയുന്നത്.