തെരഞ്ഞെടുപ്പുള്ള സംസ്ഥാനങ്ങളില്‍ വാക്സിന്‍ സര്‍ട്ടിഫിക്കറ്റിലെ മോദിയുടെ ചിത്രം ഒഴിവാക്കും
ന്യുഡല്‍ഹി: കോവിഡ് വാക്സിന്‍ സ്വീകരിച്ചവര്‍ക്ക് കേന്ദ്ര ആഭ്യന്തര മന്ത്രാലയം നല്‍കുന്ന രേഖയില്‍ പ്രധാനമന്ത്രി നരേന്ദ്ര മോദിയുടെ ചിത്രം പതിക്കുന്നതിനെതിരെ വ്യാപക വിമര്‍ശനമുയര്‍ന്ന സാഹചര്യത്തില്‍ തത്കാലം തെരഞ്ഞെടുപ്പ് നടക്കുന്ന…
ന്യുഡല്‍ഹി: കോവിഡ് വാക്സിന്‍ സ്വീകരിച്ചവര്‍ക്ക് കേന്ദ്ര ആഭ്യന്തര മന്ത്രാലയം നല്‍കുന്ന രേഖയില്‍ പ്രധാനമന്ത്രി നരേന്ദ്ര മോദിയുടെ ചിത്രം പതിക്കുന്നതിനെതിരെ വ്യാപക വിമര്‍ശനമുയര്‍ന്ന സാഹചര്യത്തില്‍ തത്കാലം തെരഞ്ഞെടുപ്പ് നടക്കുന്ന സംസ്ഥാനങ്ങളില്‍ അവ മറച്ചുവെക്കും. വാക്സിന്‍ സര്‍ട്ടിഫിക്കറ്റുകളില്‍ മോദിയുടെ ചിത്രം പതിക്കുന്നത് ഒഴിവാക്കാന്‍ നേരത്തെ കമ്മീഷന്‍ കേന്ദ്രത്തിന് നിര്‍ദ്ദേശം നല്‍കിയിരുന്നു.കൃത്യമായ തെരഞ്ഞെടുപ്പ് പ്രചാരണത്തിന്‍റെ ഭാഗമായാണ് വാക്സിന്‍ സര്‍ട്ടിഫിക്കറ്റുകളില്‍ മോദിയുടെ ചിത്രം പതിക്കുന്നതെന്ന് നേരത്തെ പശ്ചിമ ബംഗാളിലെ ഭരണകക്ഷിയായ തൃണമൂല്‍ കോണ്‍ഗ്രസ് രൂക്ഷ വിമര്‍ശനം നടത്തിയിരുന്നു .ഇത് പരിഗണിച്ചാണ് തെരഞ്ഞെടുപ്പ് കമ്മീഷന്‍ കേന്ദ്രത്തിന് നിര്‍ദ്ദേശം നല്‍കിയത് .