18 വയസ്സ് കഴിഞ്ഞവര്‍ക്കുള്ള വാക്സിന് വിതരണത്തിൽ അനിശ്ചിതത്വം
തിരുവനന്തപുരം: 18 വയസ്സ് കഴിഞ്ഞവര്‍ക്ക് വാക്സിന് വിതരണം ശനിയാഴ്ച മുതല്‍ ആരംഭിക്കുമെന്നാണ് അറിയിച്ചിരുന്നതെങ്കിലും ഇക്കാര്യത്തില്‍ അനിശ്ചിതത്വം തുടരുകയാണ്. ആവശ്യത്തിനനുസരിച്ചുള്ള വാക്സിന് സംസ്ഥാനത്ത് എത്താത്തതും വാക്സിന് വിലയ്ക്ക് വാങ്ങാനുള്ള…
തിരുവനന്തപുരം: 18 വയസ്സ് കഴിഞ്ഞവര്‍ക്ക് വാക്സിന് വിതരണം ശനിയാഴ്ച മുതല്‍ ആരംഭിക്കുമെന്നാണ് അറിയിച്ചിരുന്നതെങ്കിലും ഇക്കാര്യത്തില്‍ അനിശ്ചിതത്വം തുടരുകയാണ്. ആവശ്യത്തിനനുസരിച്ചുള്ള വാക്സിന് സംസ്ഥാനത്ത് എത്താത്തതും വാക്സിന് വിലയ്ക്ക് വാങ്ങാനുള്ള സര്‍ക്കാര്‍ തീരുമാനം കമ്പനികളില്‍ നിന്നുള്ള പച്ചക്കൊടി കാത്ത് നീളുന്നതും പ്രതിസന്ധി സൃഷ്ടിക്കുന്നു.
ഫലത്തില്‍ രജിസ്ട്രേഷന്‍ തുടങ്ങിയിട്ടുണ്ടെങ്കിലും വാക്സിന് ലഭിക്കാന്‍ കാത്തിരിക്കേണ്ടി വരുമെന്നാണ് വിവരം. 18 കഴിഞ്ഞവര്‍ക്ക് സര്‍ക്കാര്‍ മേഖലയില്‍ രണ്ട് ഡോസ് വാക്‌സിനും സൗജന്യമാക്കി ഉത്തരവിറക്കിയെങ്കിലും പുതുക്കിയ കേന്ദ്രനയ പ്രകാരം സംസ്ഥാനത്തിന് വാക്സിന് വില കൊടുത്ത് വാങ്ങണം. സ്വകാര്യ ആശുപത്രികളും നിര്‍മ്മാതാക്കളില്‍നിന്നും നേരിട്ട് വാക്സിന് വാങ്ങാന്‍ സര്‍ക്കാര്‍ നിര്‍ദേശം നല്‍കിയിട്ടുണ്ട്.