വാഴപ്പഴം കാട്ടി പറ്റിക്കാൻ ശ്രമം; യുവതിയെ തട്ടിയെറിഞ്ഞ് കൊമ്പൻ, നടുക്കുന്ന വീഡിയോ

ജലാശയത്തിനു സമീപമുള്ള കുറ്റിച്ചെടികൾക്കിടയിലൂടെ യുവതിയുടെ കൈയിലുണ്ടായിരുന്ന പഴക്കുല ലക്ഷ്യമാക്കിയെത്തുന്ന കൊമ്പനാനയെ ദൃശ്യത്തിൽ കാണാം. ഒരു കൈയിൽ വാഴപ്പഴവും മറുകൈയിൽ വാഴക്കുലയുമായി നിന്ന യുവതിയെ മുന്നോട്ടെത്തിയ ആന തുമ്പിക്കൈകൊണ്ട് തട്ടിയെറിയുകയായിരുന്നു.

യുവതി പഴം നീട്ടിയിട്ടും നൽകാതിരുന്നതാണ് ആനയെ പ്രകോപിപ്പിച്ചതെന്നാണ് നിഗമനം. ആനയുടെ ആക്രമണത്തിൽ യുവതിക്ക് സാരമായ പരുക്കേറ്റിട്ടുണ്ടാകുമെന്നാണ് വിഡിയോ കണ്ടവരുടെ അഭിപ്രായം. ഐഎഫ്എസ് ഉദ്യോഗസ്ഥനായ സുശാന്ത നന്ദയാണ് ട്വിറ്ററിലൂടെ ദൃശ്യം പങ്കുവച്ചത്.