ടിക്ക്ടോക്ക് ഉള്പ്പടെ ചൈനീസ് മൊബൈല് ആപ്ലിക്കേഷനുകള് അപകടകാരികളാണെന്ന് രഹസ്യാന്വേഷണ ഏജന്സികള്
June 17, 2020ന്യൂഡല്ഹി: ടിക്ക്ടോക്ക് ഉള്പ്പടെ ചൈനീസ് മൊബൈല് ആപ്ലിക്കേഷനുകള് അപകടകാരികളാണെന്ന് രഹസ്യാന്വേഷണ ഏജന്സികള്. ആപ്പുകള് സുരക്ഷിതമല്ലെന്നും വലിയ തോതില് ഡാറ്റ ഇന്ത്യക്ക് പുറത്തേക്ക് എത്തിക്കാന് സാധ്യതയുണ്ടെന്നും ചൂണ്ടിക്കാട്ടിയാണ് ഇന്റലിജന്സ് ഏജന്സികള് മുന്നറിയിപ്പ് നല്കിയത്. ചൈനീസ് മൊബൈല് ആപ്ലിക്കേഷനുകള് നിരോധിക്കുകയോ അല്ലെങ്കില് ഉപയോഗിക്കരുതെന്ന് ജനങ്ങള്ക്ക് നിര്ദേശം നല്കുകയോ ചെയ്യണമെന്ന് രഹസ്യാന്വേഷണ ഏജന്സികള് കേന്ദ്രസര്ക്കാരിനോട് ആവശ്യപ്പെട്ടു.
വീഡിയോ കോണ്ഫറന്സ് സംവിധാനങ്ങള്ക്ക് വ്യാപകമായി ഉപയോഗിക്കുന്ന സൂം ആപ്പ്, വീഡിയോ വിനോദ ആപ്പായ ടിക് ടോക്, മറ്റു യുട്ടിലിറ്റി ആപ്പുകളായ യു.സി ബ്രൗസര്, എക്സന്ഡര്, ഷെയര് ഇറ്റ്, ക്ലീന് മാസ്റ്റര് എന്നിവയാണ് ഇന്റലിജന്സ് എജന്സികള് വിലക്കാന് ആവശ്യപ്പെട്ടിരിക്കുന്നത്. ഈ ആപ്ലിക്കേഷനുകള് സുരക്ഷിതമല്ലെന്നും ഇതിലെ വിവരങ്ങള് ചോര്ത്തപ്പെടാന് സാധ്യതയുണ്ടെന്നും ഏജന്സികള് മുന്നറിയിപ്പു നല്കി.