കോഴിക്കോട്ട് കോവിഡ് മരണങ്ങള് കൂടുന്നു; കോഴിക്കോട് സ്വയം പ്രഖ്യാപിത ലോക്ഡൗണിലേയ്ക്കു പോകണം: ഐ എം എ
April 29, 2021 0 By Editorകോഴിക്കോട്: കോവിഡ് ബാധിതരുടെ കണക്കുകള്ക്കൊപ്പം കോവിഡ് ബാധിതരുടെ മരണവും കൂടുന്നതായി റിപ്പോർട്ടുകൾ .5015 പേര്ക്ക് കോവിഡ് സ്ഥിരീകരിച്ച ഏപ്രില് 27 വരെയുള്ള ഔദ്യോഗിക കണക്ക് പ്രകാരം ജില്ലയില് 593 പേര് കോവിഡ് ബാധിച്ച് മരിച്ചു.
26ന് നാലു പേരും 27ന് മൂന്നുപേരും ആണ് ആരോഗ്യവകുപ്പിന്റെ കണക്കുപ്രകാരം മരിച്ചത്. അതേസമയം, അനൗദ്യോഗിക കണക്കുകള് ഇതിലുമെത്രയോ കൂടുതലാണ്. കോഴിക്കോട് മെഡിക്കല് കോളജില് മാത്രം 107 പേരാണ് കഴിഞ്ഞ ഒരാഴ്ചക്കുള്ളില് കോവിഡ് ബാധിച്ച് മരിച്ചത്. 26ന് 16 പേരുടെയും 27ന് 21 പേരുടെയും മരണം മെഡിക്കല് കോളജില് സ്ഥിരീകരിച്ചു. ഏപ്രില് 21ന് 11, 22ന് 18, 23ന് 13, 24ന് 12, 25ന് 16 എന്നിങ്ങനെയാണ് മെഡിക്കല് കോളജില് കഴിഞ്ഞ ആഴ്ച നടന്ന മരണങ്ങള്. എന്നാല്, ഈ കണക്കുകളൊന്നും ഔദ്യോഗിക പട്ടികയില് ഇടം പിടിച്ചിട്ടില്ല. ചൊവ്വാഴ്ചയിലെ കണക്കുപ്രകാരം 24 പേര് അതിഗുരുതരാവസ്ഥയില് ചികിത്സയിലുമുണ്ട്. കഴിഞ്ഞ ദിവസം മാത്രം മെഡിക്കല് കോളജ് മോര്ച്ചറിയില്നിന്ന് 27 മൃതദേഹങ്ങള് വിട്ടു കൊടുത്തിട്ടുണ്ട്. ഏപ്രില് 27ലെ കണക്കുപ്രകാരം കോവിഡ് ബാധിച്ച് മരിച്ച 18പേരുടെ മൃതദേഹങ്ങളാണ് മോര്ച്ചറിയില് സൂക്ഷിച്ചിരിക്കുന്നത്.
കോഴിക്കോട് സ്വയം പ്രഖ്യാപിത ലോക്ഡൗണിലേയ്ക്കു പോകണം: ഐ എം എ
കൊവിഡ് അതിതീവ്ര വ്യാപനത്താല് വലയുന്ന കോഴിക്കോട് ജാഗ്രതാ നിര്ദ്ദേശം നല്കി ഇന്ത്യന് മെഡിക്കല് അസോസിയേഷന്. കോഴിക്കോടുള്ള ജനങ്ങള് സ്വയം പ്രഖ്യാപിത ലോക്ഡൗണിലേക്ക് പോകണമെന്ന് ഐ എം എ കോഴിക്കോട് ഘടകം അഭ്യര്ത്ഥിച്ചു.
കൊവിഡിന്റെ രണ്ടാം വരവ് ജില്ലയില് നാശം വിതയ്ക്കുകയാണ്. ആശുപത്രികള് കൊവിഡ് രോഗികളാല് നിറയുകയും ഐ.സി.യുകളില് ബെഡ് കിട്ടാന് ബുദ്ധിമുട്ട് നേരിടുകയുമാണ്. ആരോഗ്യപ്രവര്ത്തകരും ആരോഗ്യരംഗവും ഒന്നാകെ കടുത്ത ബുദ്ധിമുട്ട് നേരിടുകയാണെന്നും ഐ എം എ പറയുന്നു. ഇനി ഉള്ള രണ്ടാഴ്ചകള് കോഴിക്കോട്ടുകാര്ക്ക് വളരെ നിര്ണ്ണായകമാണെന്ന് ഐ എം എ ചൂണ്ടിക്കാണിച്ചു. ടെസ്റ്റ് പോസിറ്റിവിറ്റി നിരക്ക് 25ലേക്ക് എത്തിനില്ക്കുന്ന സന്ദര്ഭത്തില് രോഗവ്യാപനം തടയാനുള്ള മാര്ഗനിര്ദേശങ്ങളും ഐ എം എ മുന്നോട്ടുവച്ചു.
യാത്രകളും ആഘോഷങ്ങളും ഒഴിവാക്കുക, റെസ്റ്റോറന്റിലിരുന്ന് ഭക്ഷണം കഴിക്കുന്നത് ഒഴിവാക്കുക, വീട്ടില് പ്രായമായവരോട് മാസ്ക് ധരിച്ചുകൊണ്ട് മാത്രം സംസാരിക്കുക, പൊതുഗതാഗതം, മാര്ക്കറ്റ്, മാളുകള് തുടങ്ങിയവ അടച്ചിടുക എന്നീ നിര്ദേശങ്ങളാണ് ഐ എം എ മുന്നോട്ടുവെച്ചിരിക്കുന്നത്.
Share this:
- Click to share on Twitter (Opens in new window)
- Click to share on Facebook (Opens in new window)
- Click to share on WhatsApp (Opens in new window)
- Click to share on LinkedIn (Opens in new window)
- Click to share on Pinterest (Opens in new window)
- Click to share on Telegram (Opens in new window)
- Click to print (Opens in new window)
- Click to email a link to a friend (Opens in new window)
- Click to share on Tumblr (Opens in new window)
- Click to share on Reddit (Opens in new window)
Related
About The Author
ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളില് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ദ്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. വായനക്കാരുടെ അഭിപ്രായങ്ങള് ഈവനിംഗ്കേരളയുടേതല്ല