ഇസ്ലാം അംഗീകരിക്കുന്ന എല്ലാ കാര്യങ്ങളും നരേന്ദ്രമോദി നടപ്പാക്കുന്നു; ബിജെപി നേതാവ് സിദ്ദീഖി

ഇസ്ലാം അംഗീകരിക്കുന്ന എല്ലാ കാര്യങ്ങളും നരേന്ദ്രമോദി നടപ്പാക്കുന്നു; ബിജെപി നേതാവ് സിദ്ദീഖി

November 16, 2021 0 By Editor

ഇസ്ലാം അംഗീകരിക്കുന്ന എല്ലാ കാര്യങ്ങളും പ്രധാനമന്ത്രി നരേന്ദ്രമോദി നടപ്പാക്കുന്നുവെന്ന് ബിജെപി നേതാവ്. ‘സ്വച്ഛ്‌ ഭാരത്’, ‘ബേട്ടി ബചാവോ ബേട്ടി പഠാവോ’ എന്നിവയെയെല്ലാം നബിയുടെ സന്ദേശങ്ങളാണെന്നും ബിജെപി മൈനോറിറ്റി മോർച്ച പ്രസിഡന്‍റ്​ സിദ്ദീഖി.

പ്രവാചകൻ മുഹമ്മദ്​ നബിയുടെ സ​​ന്ദേശങ്ങളാണ്​ പ്രധാനമന്ത്രി നരേന്ദ്ര മോദി രാജ്യത്ത്​ നടപ്പാക്കുന്ന പദ്ധതികളെന്ന്​ ബി.ജെ.പി നേതാവ് പറഞ്ഞു​. സ്വച്ഛ് ഭാരത് അഭിയാൻ, ‘ബേട്ടി ബച്ചാവോ, ബേഠി പഠാവോ’, സ്റ്റാർട്ടപ്പ് ഇന്ത്യ തുടങ്ങിയ പദ്ധതികളെല്ലാം ഇസ്‌ലാമിക പ്രബോധനങ്ങൾക്ക് അനുസൃതമാണെന്നും സിദ്ദീഖി പറഞ്ഞു.

വൃത്തി ഇസ്​ലാമിന്‍റെ അവിഭാജ്യഘടകമാണ്.’ശുദ്ധി വിശ്വാസത്തിന്‍റെ പകുതിയെന്നാണ്’​ പ്രവാചകൻ പഠിപ്പിച്ചിരിക്കുന്നത്​. എന്നാൽ ഇത്രയും വർഷമായി ശുചിത്വത്തിനായി ഒരു ദേശീയ കാമ്പയിൻ നടന്നിട്ടില്ലെന്നും മോദിയാണ് ഇത് ആരംഭിച്ചതെന്നും അദ്ദേഹം പറഞ്ഞു. ഇസ്‌ലാം അംഗീകരിക്കുന്ന എല്ലാ കാര്യങ്ങളും പ്രധാനമന്ത്രി മോദി നടപ്പാക്കുന്നുവെന്ന്​ ‘സ്വച്ഛ് ഭാരത് അഭിയാൻ’ ചൂണ്ടിക്കാട്ടി അദ്ദേഹം പറഞ്ഞു.

പ്രവാചകന്‍റെ കാലത്ത് പെൺമക്കളെ ജീവനോടെ മണ്ണിൽ കുഴിച്ചുമൂടിയിരുന്നു. ആളുകൾ പെൺമക്കളെ ഗർഭപാത്രത്തിൽ വച്ച് കൊല്ലാറുണ്ടായിരുന്നു. ഈ ലോകത്ത് പെൺകുട്ടികൾക്ക് വിദ്യാഭ്യാസം നൽകണമെന്നാണ്​ പ്രവാചകൻ ജനങ്ങളോട്​ പറഞ്ഞത്​.പെൺ ശിശുഹത്യയ്‌ക്കെതിരെ ശക്​തമായ ഭാഷയിലാണ്​ ഖുർആൻ സംസാരിക്കുന്നത്​. ‘ബേട്ടി ബച്ചാവോ, ബേഠി പഠാവോ’ എന്ന പേരിൽ ഒരു കാമ്പയിൻ ആരംഭിച്ചത് പ്രധാനമന്ത്രിയാണ്, അത് പെൺകുട്ടിയെ രക്ഷിക്കാൻ മാത്രമല്ല, അവൾക്ക് വിദ്യാഭ്യാസം നൽകാനും ഊന്നൽ നൽകുന്നുവെന്ന്​ സിദ്ദീഖി പറഞ്ഞു.

ഖുർആനിൽ അവതരിച്ച ആദ്യ സൂക്തം ഇഖ്‌റ (വായിക്കുക) എന്നതായിരുന്നു. ‘ഇതാണ് വിദ്യാഭ്യാസത്തിന് ഇസ്​ലാം നൽകുന്ന ഊന്നൽ. എന്നാൽ മുസ്‌ലിംകൾ മതവിദ്യാഭ്യാസത്തിൽ മാത്രം ഒതുങ്ങി. മോദിയുടെ നേതൃത്വത്തിൽ പെൺകുട്ടികളുടെ വിദ്യാഭ്യാസത്തിന് ​ഊന്നൽ നൽകിയപ്പോൾ അവരും മാറി. മദ്രസ വിദ്യാഭ്യാസ രീതികൾ നവീകരിക്കപ്പെടുകയാണെന്നും സിദ്ദീഖി പറഞ്ഞു.