ഷോപിയാൻ ഏറ്റുമുട്ടൽ: രണ്ട് തീവ്രവാദികൾ കൊല്ലപ്പെട്ടു
ഷോപിയാനിൽ സുരക്ഷ സേനയും തീവ്രവാദികളും തമ്മിലുണ്ടായ ഏറ്റുമുട്ടലിൽ രണ്ട് ഭീകരർ കൊല്ലപ്പെട്ടു. ചൗഗാം ഗ്രാമത്തിൽ ശനിയാഴ്‌ച പുലർച്ചയോടെയാണ് ഏറ്റുമുട്ടൽ ആരംഭിച്ചത്. കൊല്ലപ്പെട്ട തീവ്രവാദികളിൽ നിന്നും ആയുധങ്ങളും വെടിക്കോപ്പുകളും…
ഷോപിയാനിൽ സുരക്ഷ സേനയും തീവ്രവാദികളും തമ്മിലുണ്ടായ ഏറ്റുമുട്ടലിൽ രണ്ട് ഭീകരർ കൊല്ലപ്പെട്ടു. ചൗഗാം ഗ്രാമത്തിൽ ശനിയാഴ്‌ച പുലർച്ചയോടെയാണ് ഏറ്റുമുട്ടൽ ആരംഭിച്ചത്. കൊല്ലപ്പെട്ട തീവ്രവാദികളിൽ നിന്നും ആയുധങ്ങളും വെടിക്കോപ്പുകളും കണ്ടെടുത്തതായും തെരച്ചിൽ തുടരുന്നതായും പൊലീസ് അറിയിച്ചു.
24 മണിക്കൂറിനിടെ തെക്കൻ കശ്‌മീരിൽ നടക്കുന്ന രണ്ടാമത്തെ ഏറ്റുമുട്ടലാണിത്. വെള്ളിയാഴ്ച അനന്ത്നാഗിൽ നടന്ന ഏറ്റുമുട്ടലിൽ ഒരു പൊലീസ് ഉദ്യോഗസ്ഥനേയും മൂന്ന് ബിജെപി പ്രവർത്തകരെയും വെടിവച്ചുകൊന്ന ഹിസ്ബുൾ മുജാഹിദീനുമായി ബന്ധമുള്ള ഭീകരനെ പൊലീസ് വധിച്ചിരുന്നു.
കുൽഗാമിലെ സെഹ്‌പോറയിൽ താമസിക്കുന്ന ഷഹ്‌സാദ് അഹമ്മദ് സെഹ് ആണ് വെള്ളിയാഴ്‌ചത്തെ ഏറ്റുമുട്ടലിൽ കൊല്ലപ്പെട്ടത്. കഴിഞ്ഞ വർഷം സെപ്റ്റംബർ മുതൽ ഇയാൾ സജീവമായിരുന്നുവെന്ന് പൊലീസ് പറഞ്ഞു
ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളില്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. വായനക്കാരുടെ അഭിപ്രായങ്ങള്‍ ഈവനിംഗ്കേരളയുടേതല്ല
