നിരന്തരം മാനസികപീഡനവും ഉപദ്രവവും, രണ്ടാം ഭാര്യയും ജീവനൊടുക്കി; ഭർത്താവ് അറസ്റ്റിൽ

യുവതി ജീവനൊടുക്കിയ സംഭവത്തിൽ പ്രേരണക്കുറ്റത്തിന് ഭർത്താവ് അറസ്റ്റിൽ. വാഗമൺ കോലാഹലമേട് ശങ്കുശേരിൽ ശരത് ശശികുമാർ (31) ആണ് അറസ്റ്റിലായത്.

കഴിഞ്ഞ ജൂലൈ 12നാണ് ശരത്തിന്റെ വീട്ടിൽ ഭാര്യ രമ്യ (ശരണ്യ – 28) ജീവനൊടുക്കിയത്. ഗാർഹികപീഡനത്തെത്തുടർന്നാണു ശരണ്യ മരിച്ചതെന്നു പരാതി ഉയർന്നിരുന്നു. ശരത്തിൽ നിന്നു നിരന്തരം മാനസികപീഡനവും ഉപദ്രവവും രമ്യ നേരിട്ടിരുന്നതായി അന്വേഷണത്തിൽ വെളിപ്പെട്ടെന്നു പൊലീസ് പറഞ്ഞു. ഒരു വർഷം മുൻപാണു ശരത്തിന്റെയും ശരണ്യയുടെയും വിവാഹം നടന്നത്. ശരത്തിന്റെ രണ്ടാം വിവാഹമായിരുന്നു. ശരത്തിന്റെ ആദ്യ ഭാര്യയും ജീവനൊടുക്കുകയായിരുന്നു.