മലപ്പുറം പൊന്നാനിയിൽ കടയില്‍ നിന്ന് വാങ്ങി വീട്ടിലെത്തിച്ച തണ്ണിമത്തന് പൊട്ടിത്തെറിച്ചു: നടുക്കത്തില്‍ നാട്ടുകാര്‍
February 27, 2024പൊന്നാനി: ഞായറാഴ്ച കടയില്‍ നിന്ന് വാങ്ങി വീട്ടിലെ അടുക്കളയില്‍ കൊണ്ടുവച്ച തണ്ണിമത്തന് പൊട്ടിത്തെറിച്ചു. പുതുപൊന്നാനി നാലാംകല്ലില്‍ ചാമന്റകത്ത് നസ്‌റുദീന്റെ വീട്ടില്‍ തിങ്കളാഴ്ച രാവിലെയാണ് സംഭവം.
ഞായറാഴ്ച ഉച്ചയ്ക്ക് എംഇഎസ്. കോളേജിന് സമീപത്തെ കടയില്‍ നിന്ന് വാങ്ങിയതാണ് തണ്ണിമത്തന്. തിങ്കളാഴ്ച രാവിലെ പത്തരയോടെയാണ് പെട്ടിത്തെറിച്ചത്. ശബ്ദം കേട്ട് വീട്ടുകാര്‍ ഓടിയെത്തിയപ്പോഴാണ് തണ്ണിമത്തന്റെ അകത്തെ ഭാഗങ്ങള്‍ ചിതറിത്തെറിച്ച നിലയില്‍ കണ്ടത്.
തണ്ണിമത്തന് ദുര്‍ഗന്ധവുമുണ്ടായിരുന്നു. വിവരമറിഞ്ഞ് നഗരസഭയിലെ ആരോഗ്യവിഭാഗവും ഭക്ഷ്യസുരക്ഷാ ഉദ്യോഗസ്ഥരുമെത്തി പരിശോധന നടത്തി. തണ്ണിമത്തന് വാങ്ങിയ കടയില്‍ നിന്ന് സാമ്പിള്‍ ശേഖരിച്ച് പരിശോധനയ്ക്കയച്ചിട്ടുണ്ട്.
