ഇടുക്കി നെടുങ്കണ്ടത്ത് തോട്ട പൊട്ടിത്തെറിച്ച് അപകടം; ഒരു മരണം

ഇടുക്കി നെടുങ്കണ്ടത്ത് തോട്ട സ്ഫോടനത്തിൽ ഒരാൾ മരിച്ചു. കമ്പംമേട്ട് സ്വദേശി രാജേന്ദ്രനാണ് അപകടത്തില്‍ മരിച്ചത്. കോലഞ്ചേരിയിലെ സ്വകാര്യ ആശുപത്രിയിലേക്ക് എത്തിക്കുന്നതിനിടയിലാണ് മരണം സംഭവിച്ചത്.കാമാക്ഷി വിലാസം കോണ്ടിനെന്‍റൽ എസ്റ്റേറ്റിൽ ആയിരുന്നു സംഭവം.

തോട്ട പൊട്ടി രാജേന്ദ്രന്‍റെ കൈകൾ അറ്റുപോയിരുന്നു. അപകടത്തില്‍ പരിക്കേറ്റ അണക്കര സ്വദേശി ജയ്മോന്‍റെ നില ഗുരുതരമായി തുടരുകയാണ്. കുഴൽ കിണർ ജോലിയ്ക്കായി എത്തിയതായിരുന്നു രാജേന്ദ്രനും ജയ്മോനും. ഏറെ ആഴത്തില്‍ കുഴിച്ചിട്ടും വെള്ളം കുറവായതിനെ തുടർന്ന് കുഴൽ കിണറിലേക്ക് തോട്ട പൊട്ടിച്ച് ഇടുകയായിരുന്നു.