ഇന്ത്യയിലെ മുസ്ലിങ്ങള്‍ക്കായി ഇമ്രാന്‍ ഖാന് ആവലാതി വേണ്ട; അസദുദ്ദീന്‍ ഒവൈസി
ഇന്ത്യന്‍ മുസ്ലിങ്ങള്‍ എന്നതില്‍ അഭിമാനിക്കുന്നു. ഇന്ത്യയിലെ മുസ്ലിങ്ങളെ കുറിച്ച് പാക്കിസ്ഥാന്‍ പ്രധാനമന്ത്രി ഇമ്രാന്‍ ഖാന് ആവലാതിപ്പെടേണ്ട ആവശ്യമില്ലെന്ന് ഓള്‍ ഇന്ത്യ മജ്‌ലിസ് ഇ ഇത്തിഹാദുള്‍ മുസ്ലിമീന്‍ നേതാവ്…
ഇന്ത്യന്‍ മുസ്ലിങ്ങള്‍ എന്നതില്‍ അഭിമാനിക്കുന്നു. ഇന്ത്യയിലെ മുസ്ലിങ്ങളെ കുറിച്ച് പാക്കിസ്ഥാന്‍ പ്രധാനമന്ത്രി ഇമ്രാന്‍ ഖാന് ആവലാതിപ്പെടേണ്ട ആവശ്യമില്ലെന്ന് ഓള്‍ ഇന്ത്യ മജ്‌ലിസ് ഇ ഇത്തിഹാദുള്‍ മുസ്ലിമീന്‍ നേതാവ് അസദുദ്ദീന്‍ ഒവൈസി. മൂന്നു വര്‍ഷം മുമ്പ് ബംഗ്ലാദേശില്‍ നിന്നുള്ള വീഡിയോ ഉത്തര്‍പ്രദേശില്‍ അടുത്തിടെ അരങ്ങേറിയതാണെന്ന് ഇമ്രാന്‍ ഖാന് ട്വിറ്ററിലൂടെ പ്രചാരിപ്പിച്ചിരുന്നു. ഇത് വ്യാജമെന്ന് ദേശീയ ഏജന്‍സിയും ഔദ്യോഗിക വൃത്തങ്ങളും കണ്ടെത്തിയിരുന്നു. ഇതിനോട് പ്രതികരിക്കുകയായിരുന്നു ഒവൈസി.
ഇന്ത്യയിലെ മുസ്ലിങ്ങളെ കുറിച്ച് ഇമ്രാന്‍ ഖാന് അന്വേഷിക്കേണ്ടതിന്റെ ആവശ്യമില്ല. പാക്കിസ്ഥാനിലെ കാര്യങ്ങളെ കുറിച്ചറിയാന്‍ ആകുലതയുണ്ടായാല്‍ മതിയെന്നും ഒവൈസി രൂക്ഷമായി വിമര്‍ശിച്ചു. ജിന്നയുടെ തെറ്റായ സിദ്ധാന്തത്തെ ഇന്ത്യക്കാന്‍ തള്ളികളഞ്ഞതാണ്. ഇന്ത്യന്‍ മുസ്ലിങ്ങളെന്ന നിലയില്‍ ഞങ്ങള്‍ അഭിമാനിക്കുന്നുവെന്നും ഒവൈസി കൂട്ടിച്ചേര്‍ത്തു.