ഐ എസ് ബന്ധം ; മലപ്പുറത്തെയും , കണ്ണൂരിലെയും പോപ്പുലർ ഫ്രണ്ട് നേതാക്കളുടെ വീടുകളിൽ എൻഐഎ റെയ്ഡ്

ഐ.എസുമായി ബന്ധപ്പെട്ട കേസിൽ കേരളത്തിലും ഡൽഹിയിലും കർണാടകയിലുമായി പത്ത് കേന്ദ്രങ്ങളിൽ എൻ.ഐ.എ.യുടെ റെയ്‌ഡ്. കേരളത്തിൽ കണ്ണൂർ താണെയിലെ വീട്ടിലും മലപ്പുറം ചേളാരിയിലെ പോപ്പുലർഫ്രണ്ട് നേതാവിന്റെ വീട്ടിലുമാണ് റെയ്‌ഡ് നടക്കുന്നത്. കമാൻഡോകളടക്കം പങ്കെടുക്കുന്ന റെയ്‌ഡ് ഇപ്പോഴും തുടരുകയാണ്. അതേ സമയം റെയ്​ഡിൽ പ്രതിഷേധിച്ച്​ പോപ്പുലർ ഫ്രണ്ട്​, എസ്​.ഡി.പി.ഐ പ്രവർത്തകർ ചേളാരിയിലെ വീടിന്​ മുമ്പിൽ തടിച്ചുകൂടി. എൻഐഎ നടത്തിയ റെയ്ഡിൽ അഞ്ച് പേരെ അറസ്റ്റ് ചെയ്തതായും സൂചനകളുണ്ട് . മുസ്ലീം യുവാക്കളെ സോഷ്യൽ മീഡിയയിലൂടെ പാകിസ്താൻ റിക്രൂട്ട് ചെയ്യുകയും ഓൺലൈനിൽ പരിശീലനം നൽകുകയും ചെയ്യുന്നതായി എൻ ഐ എ കണ്ടെത്തിയിരുന്നു . പ്രാദേശിക ആക്രമണങ്ങൾ നടത്താൻ പദ്ധതി ആസൂത്രണം ചെയ്യാൻ അവരെ പ്രേരിപ്പിക്കുന്നുവെന്നും എൻ ഐ എ കണ്ടെത്തി .