ഇളവ് കണ്ട് അനാവശ്യമായി പുറത്തിറങ്ങേണ്ട ! രണ്ടാം തരംഗം അവസാനിച്ചിട്ടില്ല; കേരളമടക്കം എട്ട് സംസ്ഥാനങ്ങളില്‍ കോവിഡ് വര്‍ധിക്കുന്നുവെന്ന് കേന്ദ്രം
രാജ്യത്ത് കോവിഡ് രണ്ടാം തരംഗം ഉടനെ അവസാനിക്കില്ലെന്നും വര്‍ധിച്ച ജാഗ്രത വേണമെന്നും കേന്ദ്രത്തിന്‍റെ മുന്നറിയിപ്പ്. കേരളം, തമിഴ്നാട് തുടങ്ങിയ എട്ട് സംസ്ഥാനങ്ങളില്‍ കോവിഡ് വ്യാപനം കൂടുകയാണ്. കേരളത്തിലെ…
രാജ്യത്ത് കോവിഡ് രണ്ടാം തരംഗം ഉടനെ അവസാനിക്കില്ലെന്നും വര്‍ധിച്ച ജാഗ്രത വേണമെന്നും കേന്ദ്രത്തിന്‍റെ മുന്നറിയിപ്പ്. കേരളം, തമിഴ്നാട് തുടങ്ങിയ എട്ട് സംസ്ഥാനങ്ങളില്‍ കോവിഡ് വ്യാപനം കൂടുകയാണ്. കേരളത്തിലെ കോവിഡ് വ്യാപനം മറ്റു സംസ്ഥാനങ്ങളേക്കാള്‍ ഏറെ കൂടുതലാണ്. ഈ സാഹചര്യത്തില്‍ കൂടുതല്‍ ജാഗ്രത വേണമെന്ന മുന്നറിയിപ്പും കേന്ദ്രം നല്‍കി.
ഒരാളില്‍ നിന്ന് ഒന്നിലധികം ആളുകള്‍ക്ക് കോവിഡ് വ്യാപിക്കുന്നത് കേരളമടക്കമുള്ള എട്ട് സംസ്ഥാനങ്ങളിലാണ്. അതായത് നൂറ് കോവിഡ് രോഗികളില്‍ നിന്ന് നൂറിലധികം ആളുകളിലേക്ക് പുതിയതായി കോവിഡ് ബാധിക്കുന്നുണ്ട്. ഈ സാഹചര്യത്തില്‍ കോവിഡ് വ്യാപന തോത് കൂടിയ അളവിലായിരിക്കും. കേരളമടക്കമുള്ള സംസ്ഥാനങ്ങളില്‍ ഈ അവസ്ഥയാണുള്ളത്. അതേസമയം, നൂറ് കോവിഡ് രോഗികളില്‍ നിന്ന് നൂറില്‍ കുറവ് ആളുകളിലേക്ക് മാത്രമാണ് കോവിഡ് വ്യാപിക്കുന്നതെങ്കില്‍ വ്യാപന തോത് കുറയുകയാണ്. കോവിഡ് തരംഗം അവസാനിക്കണമെങ്കില്‍ ഈ പ്രവണത പ്രകടമാകണം. എന്നാല്‍, കേരളം, തമിഴ്നാട് അടക്കമുള്ള സംസ്ഥാനങ്ങളില്‍ വ്യാപന തോത് കൂടി തന്നെ നില്‍ക്കുന്നതിനാല്‍ രണ്ടാം തരംഗം അവസാനിച്ചിട്ടില്ലെന്നാണ് കേന്ദ്രം പറയുന്നത്.
👉 വാർത്തകൾക്ക്‌ വാട്സാപ്പ് ഗ്രൂപ്പിൽ അംഗമാകുക
രാജ്യത്തെ മൊത്തം കോവിഡ് രോഗികളുടെ എണ്ണത്തില്‍ കുറവ് പ്രകടമാണെങ്കിലും എട്ട് സംസ്ഥാനങ്ങളിലെ പ്രവണത മറിച്ചാണ്. അതുകൊണ്ടു തന്നെ കൂടുതല്‍ ജാഗ്രത ഉണ്ടെങ്കില്‍ മാത്രമേ രണ്ടാം തരംഗത്തെ പിടിച്ചുകെട്ടാനാകുകയുള്ളൂവെന്നാണ് കേന്ദ്രത്തിന്‍റെ മുന്നറിയിപ്പ്.