സൈഡ് കൊടുത്തില്ല; കാർ ബൈക്കിൽ ഇടിപ്പിച്ച് ദമ്പതികളെ മർദിച്ച് ഏഴംഗ സംഘം

കഴിഞ്ഞ ദിവസം രാത്രി കായംകുളം കൊറ്റുകുളങ്ങരയിലായിരുന്നു ദമ്പതികൾക്ക് നേരെ ആക്രമണമുണ്ടായത്. ഇരുചക്രവാഹനത്തിൽ വീട്ടിലേക്ക് പോകുമ്പോഴായിരുന്നു ആക്രമണമെന്ന് എരുവ സ്വദേശികളായ രതീഷും ഭാര്യ രേഷ്മയും പരാതിയിൽ പറഞ്ഞു. രേഷ്മയുടെ ജന്മദിനം ആഘോഷങ്ങൾക്കു ശേഷം സുഹൃത്തുക്കൾക്കൊപ്പം മടങ്ങുകയായിരുന്നു ദമ്പതികൾ. ഇതിനിടയിൽ ദമ്പതികൾ സഞ്ചരിച്ച ബൈക്കിൽ ഏഴംഗ സംഘം സഞ്ചരിച്ച കാർ തട്ടി. ഇത് ചോദ്യം ചെയ്തതോടെ കാറിൽ ഉണ്ടായിരുന്നവർ രതീഷിനെയും രേഷ്മയെയും മർദിക്കുകയായിരുന്നു. സൈഡ് കൊടുത്തില്ലെന്നു പറഞ്ഞ് ബോധപൂർവം ഇടിപ്പിക്കുകയായിരുന്നുവെന്ന് ദമ്പതികൾ പറഞ്ഞു.