അഞ്ചുമണിക്കൂര്‍ നീണ്ട പരിശ്രമം; കാസര്‍കോട് കിണറ്റില്‍ വീണ പുള്ളിമാനെ രക്ഷപ്പെടുത്തി
മടിക്കൈ: കാസര്‍കോട് എരിപ്പില്‍ സ്വകാര്യ വ്യക്തിയുടെ കിണറ്റില്‍ വീണ പുള്ളിമാനെ മണിക്കൂറുകള്‍ നീണ്ട പരിശ്രമത്തിനൊടുവില്‍ പുറത്തെത്തിച്ചു. എരിപ്പില്‍ മൂന്ന് റോഡില്‍ ഭജനമഠത്തിന് സമീപത്തെ പി.വി. ജാനകിയുടെ പറമ്പിലെ…
മടിക്കൈ: കാസര്‍കോട് എരിപ്പില്‍ സ്വകാര്യ വ്യക്തിയുടെ കിണറ്റില്‍ വീണ പുള്ളിമാനെ മണിക്കൂറുകള്‍ നീണ്ട പരിശ്രമത്തിനൊടുവില്‍ പുറത്തെത്തിച്ചു. എരിപ്പില്‍ മൂന്ന് റോഡില്‍ ഭജനമഠത്തിന് സമീപത്തെ പി.വി. ജാനകിയുടെ പറമ്പിലെ ആള്‍മറയില്ലാത്ത കിണറിലാണ് പുള്ളിമാന്‍ വീണത്. നാട്ടുകാരുടെയും സഹകരണത്തോടെ അഞ്ച് മണിക്കൂറോളം നീണ്ട ശ്രമത്തിനൊടുവിലാണ് വലയില്‍ കുരുക്കി മാനിനെ കരകയറ്റാനായത്.
ഞായറാഴ്ച രാവിലെ ആറുമണിക്ക് പറമ്പില്‍ റബ്ബര്‍ ടാപ്പിങ്ങിനെത്തിയ കെ.വി. സുകുമാരനാണ് കിണറ്റില്‍ വീണ നിലയില്‍ പുള്ളിമാനിനെ ആദ്യം കണ്ടത്. തുടര്‍ന്ന് നീലേശ്വരം പോലീസിലും വനംവകുപ്പ് കാഞ്ഞങ്ങാട് റേഞ്ച് ഓഫീസിലും അറിയിച്ചു. വൈകാതെ രക്ഷാപ്രവര്‍ത്തനം ആരംഭിച്ചു. ഒരുതവണ വലയില്‍ കുരുങ്ങിയ മാന്‍ കരയ്ക്ക് എത്താറായപ്പോഴേക്കും വീണ്ടും കിണറ്റില്‍ വീണു.