ആലപ്പുഴയില്‍ ബസും ട്രാവലറും കൂട്ടിയിടിച്ച് അപകടം; പ്രതിശ്രുത വരനടക്കം മൂന്ന് പേര്‍ മരിച്ചു

ആലപ്പുഴ കണിച്ചുകുളങ്ങരയില്‍ കെ.എസ്.ആര്‍.ടി.സി ബസ് വാനിലിടിച്ച് പ്രതിശ്രുതവരനടക്കം മൂന്ന് പേര്‍ മരിച്ചു.വിവാഹനിശ്ചയം കഴിഞ്ഞ് മടങ്ങുമ്പോഴാണ് അപകടമുണ്ടായത്. 3 കുട്ടികൾ അടക്കം പതിനൊന്നു പേർക്ക് പരിക്കേറ്റു.പൂവാറിൽ നിന്ന് വിവാഹനിശ്ചയം കഴിഞ്ഞു കണ്ണൂരിലേക്കു മടങ്ങിയ സംഘമാണ് അപകടത്തിൽപെട്ടത്. പ്രതിശ്രുത വരൻ മട്ടന്നൂർ പാലയോട് സ്വദേശി വിനീഷ് , അമ്മയുടെ സഹോദരി പ്രസന്ന പ്രസന്നയുടെ സഹോദരിയുടെ മകളുടെ ഭർത്താവ് വിജയകുമാർ എന്നിവരാണ് മരിച്ചത്. വാനിൽ 13 പേർ ഉണ്ടായിരുന്നു. കെ.എസ്.ആര്‍.ടി.സി കണ്ടക്ടർക്കും പരിക്കേറ്റിട്ടുണ്ട്. പരിക്കേറ്റ 3 കുട്ടികൾ അടക്കം 11 പേരുടെ നില ഗുരുതരമല്ല. ഇവർ വണ്ടാനം മെഡിക്കൽ കോളജിൽ ആണ് ഉള്ളത്.