ജീവനക്കാരിക്ക് കോവിഡ്: വടകരയിൽ സൂപ്പർ മാർക്കറ്റ് പൂട്ടി

വടകര : എടോടി-പുതിയ സ്റ്റാൻഡിലെ സൂപ്പർ മാർക്കറ്റിലെ ജീവനക്കാരിക്ക് കോവിഡ്-19 സ്ഥിരീകരിച്ചതിനെത്തുടർന്ന് സ്ഥാപനം പൂട്ടി. മാക്കൂൽപ്പീടിക സ്വദേശിനിക്കാണ് രോഗം സ്ഥിരീകരിച്ചത്. ടെക്സ്റ്റൈയിൽ വിഭാഗത്തിലാണ് ജോലി ചെയ്യുന്നത്. നേരത്തെ മാക്കൂൽപ്പീടികയിൽ രോഗം സ്ഥിരീകരിച്ചവരുടെ ബന്ധുവാണ്. ഒന്നുമുതൽ 13 വരെ ഈ ഈ സ്ഥാപനത്തിൽ ഇവർ ജോലിചെയ്തിട്ടുണ്ട്. ഇതോടെ 20 സഹപ്രവർത്തകരോട് ക്വാറന്റീനിൽ പോകാൻ നിർദേശിച്ചു.