ചികിത്സയിലുണ്ടായിരുന്ന രോഗിക്ക് കോവിഡ്; കൊയിലാണ്ടി അശ്വിനി ആശുപത്രി അടച്ചു
കോഴിക്കോട്: ചികിത്സയിലിരുന്ന രോഗിക്ക് കോവിഡ് സ്ഥിരീകരിച്ചതിനെ തുടര്‍ന്ന് കൊയിലാണ്ടി കൊല്ലത്തെ അശ്വിനി ഹോസ്പിറ്റല്‍ അടച്ചിടാന്‍ ആരോഗ്യവകുപ്പ് നിര്‍ദേശം. നഗരസഭയിലെ നാല്‌പത്തിയൊന്നാം വാര്‍ഡില്‍ താമസിച്ചിരുന്ന രോഗിയെ ജൂലൈ 24നാണ്…
കോഴിക്കോട്: ചികിത്സയിലിരുന്ന രോഗിക്ക് കോവിഡ് സ്ഥിരീകരിച്ചതിനെ തുടര്‍ന്ന് കൊയിലാണ്ടി കൊല്ലത്തെ അശ്വിനി ഹോസ്പിറ്റല്‍ അടച്ചിടാന്‍ ആരോഗ്യവകുപ്പ് നിര്‍ദേശം. നഗരസഭയിലെ നാല്‌പത്തിയൊന്നാം വാര്‍ഡില്‍ താമസിച്ചിരുന്ന രോഗിയെ ജൂലൈ 24നാണ് രോഗലക്ഷണങ്ങളോടെ അശ്വിനി ആശുപത്രിയില്‍ പ്രവേശിപ്പിച്ചത്. മൂന്ന് ദിവസം ഇവിടെ ചികിത്സയിലുണ്ടായിരുന്നു. പനി കുറയാത്തതിനെ തുടര്‍ന്ന് സ്വകാര്യ ആശുപത്രിയില്‍ നടത്തിയ പരിശോധനയിലാണ് കോവിഡ് സ്ഥിരീകരിച്ചത്. തുടര്‍ന്ന് മൂന്ന് ദിവസം ഇയാളെ ചികിത്സിച്ചിരുന്ന അശ്വിനി ആശുപത്രി അടച്ചിടാന്‍ ആരോഗ്യവകുപ്പ് നിര്‍ദേശം നല്‍കുകയായിരുന്നു. രോഗിയുടെ പ്രാഥമിക സമ്പര്‍ക്കപ്പട്ടികയില്‍ ഉള്‍പ്പെടുന്ന ഡോക്ടര്‍ ഉള്‍പ്പെടെ ഒമ്പത് പേരോട് ക്വാറന്റീനില്‍ പ്രവേശിക്കാന്‍ നിര്‍ദേശിച്ചിട്ടുണ്ട്. ഈ ദിവസങ്ങളില്‍ ആശുപത്രി ഒ.പിയില്‍ എത്തിയവര്‍ സ്വയം നിരീക്ഷണത്തില്‍ പോവണമെന്നും ആരോഗ്യവകുപ്പ് അറിയിച്ചു.
ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളില്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. വായനക്കാരുടെ അഭിപ്രായങ്ങള്‍ ഈവനിംഗ്കേരളയുടേതല്ല
