കേരളത്തിന് 20,000 എന്‍ 95 മാസ്‌ക് നല്‍കി ഷാരുഖ് ഖാന്‍
November 11, 2020
തിരുവനന്തപുരം: ബോളിവുഡ് താരം ഷാരുഖ് ഖാന്റെ മീര്‍ ഫൗണ്ടേഷന്‍ കേരളത്തിലെ കൊവിഡ് പ്രതിരോധ പ്രവര്‍ത്തനങ്ങള്‍ക്കായി 20,000 എന്‍ 95 മാസ്‌കുകള്‍ നല്‍കി. സിനിമാതാരങ്ങളായ ഇന്ദ്രജിത്ത്, രാജശ്രീ ദേശ്പാണ്‌ഡെ എന്നിവരാണ് കേരളത്തിലെ പ്രതിരോധ പ്രവര്‍ത്തനങ്ങള്‍ അദ്ദേഹത്തിന്റെ ശ്രദ്ധയില്‍പ്പെടുത്തിയത്. ആസിഡ് ആക്രമണത്തിന്റെ ഇരകള്‍ക്കായി രൂപീകരിച്ച മീര്‍ ഫൗണ്ടേഷന്‍ കൊവിഡ് പ്രതിരോധ പ്രവര്‍ത്തനത്തിലും സജീവമാണ്. ഷാരുഖ് ഖാനും മീര്‍ ഫൗണ്ടേഷനും മന്ത്രി കെ.കെ. ശൈലജ നന്ദി അറിയിച്ചു.
