വ്യാജ സർട്ടിഫിക്കറ്റ് കേസ്: കെ. വിദ്യയ്ക്ക് ജാമ്യം; നീലേശ്വരം പോലീസ് കസ്റ്റഡിയിലെടുത്തേക്കും

അഗളി പോലീസ് രജിസ്റ്റർ ചെയ്ത കേസിൽ രണ്ടുദിവസത്തെ കസ്റ്റഡിക്ക് ശേഷമാണ് ഇപ്പോൾ കോടതി ജാമ്യം അനുവദിച്ചിരിക്കുന്നത്. ഏഴുവർഷം വരെ തടവു ശിക്ഷ ലഭിക്കുന്ന കുറ്റത്തിന് അറസ്റ്റ് തന്നെ അനിവാര്യമായിരുന്നില്ലെന്നും ജുഡീഷ്യൽ കസ്റ്റഡിയിലേക്ക് വിടേണ്ട ആവശ്യമുണ്ടായിരുന്നില്ലെന്നും പ്രതിഭാഗം വാദിച്ചു. നോട്ടീസ് നൽകി വിളിച്ചുവരുത്തേണ്ട നടപടിക്രമം മാത്രമേ ഉണ്ടായിരുന്നുള്ളൂ എന്നും അതുപോലും പാലിക്കപ്പെട്ടില്ലെന്നും പ്രതിഭാഗം കോടതിയിൽ ചൂണ്ടിക്കാട്ടി.