ജൂണിൽ ഇത്രയധികം മ​ഴ കുറഞ്ഞത്​ 47 വർഷം മുമ്പ്; നാളെമുതൽ തുടർച്ചയായ ദിവസങ്ങളിൽ കനത്ത മഴക്ക് സാധ്യത

കേരളത്തിൽ വരും ദിവസങ്ങളിൽ മഴ ശക്തമാകുമെന്ന് കാലാവസ്ഥ വകുപ്പ് പറയുന്നു. എന്നാൽ, ജൂണിൽ മഴ ലഭ്യത നന്നായി ​കുറഞ്ഞു. കേ​ര​ള​ത്തി​ൽ കാ​ല​വ​ർ​ഷം പെ​യ്ത​ത് 40 ശ​ത​മാ​നം മാ​ത്രം. കേ​ന്ദ്ര കാ​ലാ​വ​സ്ഥ വ​കു​പ്പി​ന്‍റെ ക​ണ​ക്ക​നു​സ​രി​ച്ച് കേ​ര​ള​ത്തി​ന് ഇ​ത്ത​വ​ണ ഇ​തു​വ​രെ കി​ട്ടി​യ​ത് 260.3 മി​ല്ലീ​മീ​റ്റ​ർ മ​ഴ​യാ​ണ്. 648.3 മി​ല്ലീ​മീ​റ്റ​ർ ല​ഭി​ക്കേ​ണ്ട സ്ഥാ​ന​ത്താ​ണി​ത്. 60 ശ​ത​മാ​നം കു​റ​വാ​ണ് ​രേ​ഖ​പ്പെ​ടു​ത്തി​യ​ത്. ഇ​തി​ന് മു​മ്പ്​ ഇ​ത്ര കു​റ​വ് മ​ഴ ല​ഭി​ച്ച​ത് 47 വ​ർ​ഷം മു​മ്പ്​ 1967 ലാ​ണ്.

ഒ​മ്പ​തു ജി​ല്ല​ക​ളി​ൽ 50 ശ​ത​മാ​നം പോ​ലും മ​ഴ ല​ഭി​ച്ചി​ല്ല. പ​ത്ത​നം​തി​ട്ട, ആ​ല​പ്പു​ഴ, എ​റ​ണാ​കു​ളം, തി​രു​വ​ന​ന്ത​പു​രം ജി​ല്ല​ക​ളി​ലാ​ണ് 50 ശ​ത​മാ​ന​ത്തി​ന് മു​ക​ളി​ൽ മ​ഴ ല​ഭി​ച്ച​ത്. ഏ​റ്റ​വും കു​റ​വ് മ​ഴ വ​യ​നാ​ട് ജി​ല്ല​യി​ലാ​ണ്. 22 ശ​ത​മാ​നം. ല​ഭി​ക്കേ​ണ്ടി​യി​രു​ന്ന​ത് 703.6 മി​ല്ലീ​മീ​റ്റ​ർ മ​ഴ​യാ​ണ്. എ​ന്നാ​ൽ, ല​ഭി​ച്ച​താ​ക​ട്ടെ 153. 3 മി​ല്ലീ​മീ​റ്റ​ർ മ​ഴ​യും. കോ​ഴി​ക്കോ​ട് ജി​ല്ല​യി​ൽ 74 ശ​ത​മാ​നം മ​ഴ കു​റ​വാ​ണ് ജൂ​ൺ മാ​സം ല​ഭി​ച്ച​ത്. ഇ​ടു​ക്കി 71, പാ​ല​ക്കാ​ട് 67, കാ​സ​ർ​കോ​ട് 61, മ​ല​പ്പു​റം 63, തൃ​ശൂ​ർ 60, പ​ത്ത​നം​തി​ട്ട 32, കോ​ട്ട​യം 59, കൊ​ല്ലം 35, എ​റ​ണാ​കു​ളം 48, ക​ണ്ണൂ​ർ 58, ആ​ല​പ്പു​ഴ 39, തി​രു​വ​ന​ന്ത​പു​രം 47 എ​ന്നി​ങ്ങ​നെ​യാ​ണ്​ ശ​ത​മാ​ന​ക​ണ​ക്കി​ലു​ള്ള കു​റ​വ്.

മ​ഴ കു​റ​വ്​ സം​സ്ഥാ​ന​ത്തെ കാ​ർ​ഷി​ക, ജ​ല​വൈ​ദ്യു​തി മേ​ഖ​ല​ക​ളെ പ്ര​തി​സ​ന്ധി​യി​ലാ​ഴ്ത്തും. വൈ​ദ്യു​തി വ​കു​പ്പി​ന്‍റെ ഡാ​മു​ക​ളി​ൽ എ​ല്ലാം കൂ​ടി 16 ശ​ത​മാ​നം ജ​ലം മാ​ത്ര​മാ​ണ് അ​വ​ശേ​ഷി​ക്കു​ന്ന​ത്. ഏ​റ്റ​വും വ​ലി​യ അ​ണ​ക്കെ​ട്ടാ​യ ഇ​ടു​ക്കി​യി​ൽ 14 ശ​ത​മാ​നം ജ​ല​മേ​യു​ള്ളൂ. പ​മ്പ- 10, ക​ക്കി- 12, ഷോ​ള​യാ​ർ- 42, ഇ​ട​മ​ല​യാ​ർ- 19, കു​ണ്ട​ള- 38, മാ​ട്ടു​പ്പെ​ട്ടി -36, കു​റ്റ്യാ​ടി- 43, ത​ര്യോ​ട് -എ​ട്ട്, ആ​ന​യി​റ​ങ്ക​ൽ- 10, പൊ​ൻ​മു​ടി- 12, നേ​ര്യ​മം​ഗ​ലം- 47, ലോ​വ​ർ​പെ​രി​യാ​ർ- 61 ശ​ത​മാ​നം എ​ന്നി​ങ്ങ​നെ​യാ​ണ് മ​റ്റു ഡാ​മു​ക​ളി​ലെ ജ​ല​നി​ര​പ്പ്.

ജൂണിൽ നഷ്ടമായ കാലവർഷം പക്ഷേ ജൂലൈ ആദ്യ ദിവസങ്ങളിൽ തന്നെ ലഭിക്കു​മെന്ന പ്രതീക്ഷയാണുള്ളത്. കേരളത്തിൽ കാലവർഷം കനിഞ്ഞില്ലെന്ന പരാതിക്ക് ഈ ആഴ്ചയോടെ മാറ്റമുണ്ടാകുമെന്ന സൂചനയാണ് കാലാവസ്ഥ വകുപ്പിൽ നിന്നും ലഭിക്കുന്നത്. നാളെമുതൽ തുടർച്ചയായ ദിവസങ്ങളിൽ കനത്ത മഴക്ക് സാധ്യതയെന്ന് കാലാവസ്ഥ വകുപ്പ് പ്രവചിച്ചിട്ടുണ്ട്. അടുത്ത അഞ്ച് ദിവസങ്ങളിലും ശക്തമായ മഴക്ക് സാധ്യതയുണ്ടെന്നാണ് മുന്നറിയിപ്പ്.