അ​ന്ത​ർ സം​സ്ഥാ​ന തൊ​ഴി​ലാ​ളി​ക​ളു​ടെ ക​ണ​ക്കി​ല്ലാ​തെ സ​ർ​ക്കാ​ർ; തൊഴിലാളികളിൽ കുറ്റവാളികൾ പെരുകുന്നു

കൊ​ച്ചി: പ​ല സം​സ്ഥാ​ന​ങ്ങ​ളി​ൽ​നി​ന്ന്​ വ​ന്ന്​ കേ​ര​ള​ത്തി​ൽ പ​ണി​യെ​ടു​ക്കു​ന്ന അ​ന്ത​ർ സം​സ്ഥാ​ന തൊ​ഴി​ലാ​ളി​ക​ളു​ടെ ക​ണ​ക്കി​ല്ലാ​തെ സ​ർ​ക്കാ​ർ. പെ​രു​മ്പാ​വൂ​രി​ലെ നി​യ​മ വി​ദ്യാ​ർ​ഥി​നി​യു​ടെ ​ക്രൂ​ര​കൊ​ല​പാ​ത​ക​ത്തി​ന്‍റെ പ​ശ്ചാ​ത്ത​ല​ത്തി​ലാ​ണ് അ​ന്ത​ർ സം​സ്ഥാ​ന തൊ​ഴി​ലാ​ളി​ക​ളു​ടെ വി​വ​ര​ശേ​ഖ​ര​ണ​ത്തി​ന്​ സ​ർ​ക്കാ​ർ ‘ആ​വാ​സ്’ എ​ന്ന ​പേ​രി​ൽ പ​ദ്ധ​തി ആ​രം​ഭി​ച്ചി​രു​ന്നു. എ​ന്നാ​ൽ, ആ​റു വ​ർ​ഷം പി​ന്നി​ടു​മ്പോ​ൾ പ​ദ്ധ​തി നി​ല​ച്ച​മ​ട്ടാ​ണ്.

ആ​റു​വ​ര്‍ഷ​ത്തി​നി​ടെ അ​ന്ത​ർ​സം​സ്ഥാ​ന തൊ​ഴി​ലാ​ളി​ക​ൾ ഉ​ൾ​പ്പെ​ട്ട 159 കൊ​ല​പാ​ത​ക​ക്കേ​സു​ക​ളി​ൽ പ്ര​തി​ക​ളാ​യ​ത്​ 118 പേ​ർ. അ​ന്ത​ർ​സം​സ്ഥാ​ന​ തൊ​ഴി​ലാ​ളി​ക​ള്‍ ഉ​ള്‍പ്പെ​ടു​ന്ന കു​റ്റ​കൃ​ത്യ​ങ്ങ​ളും കൊ​ല​പാ​ത​ക​ക്കേ​സു​ക​ളും പെ​രു​മ്പോ​ഴും പൊ​ലീ​സ്​ സം​വി​ധാ​ന​ങ്ങ​ൾ നി​ർ​ജീ​വ​മാ​വു​ക​യാ​ണ്. അ​ന്ത​ർ​സം​സ്ഥാ​ന തൊ​ഴി​ലാ​ളി​ക​ളു​ടെ കൃ​ത്യ​മാ​യ വി​വ​ര​ങ്ങ​ള്‍ ശേ​ഖ​രി​ക്കു​ന്ന​തി​ലും നി​രീ​ക്ഷി​ക്കു​ന്ന​തി​ലു​മു​ള്ള മാ​ര്‍ഗ നി​ര്‍ദേ​ശ​ങ്ങ​ള്‍ പാ​ലി​ക്കു​ന്ന​തി​ല്‍ വ​രു​ത്തു​ന്ന ഗു​രു​ത​ര വീ​ഴ്ച​യാ​ണ് കു​റ്റ​കൃ​ത്യം പെ​രു​കാ​ന്‍ ഇ​ട​യാ​ക്കു​ന്ന​തെ​ന്നാ​ണ്​ വി​ല​യി​രു​ത്ത​ല്‍.

കാക്കനാട് തെങ്ങോടിനു സമീപം കടയുടമയുടെ കൊലപാതകം, കോളിളക്കം സൃഷ്ടിച്ച പെരുമ്പാവൂര്‍ ജിഷ കൊലപാതകക്കേസ് എന്നിവയില്‍ പ്രതിസ്ഥാനത്ത് അതിഥി തൊഴിലാളികളാണ്. ആലുവയിലെ അഞ്ചുവയസുകാരിയുടെ ദാരുണമരണത്തോടെ അതിഥിത്തൊഴിലാളികള്‍ക്കു മേല്‍ ശക്തമായ നിരീക്ഷണം വേണമെന്ന ആവശ്യമുയര്‍ന്നു. ക്രിമിനല്‍ പശ്ചാത്തലമുള്ളവരുടെ ഒളിത്താവളമായി കേരളം മാറുകയാണെന്നും വിമര്‍ശനമുണ്ട്.

മ​റ്റു സം​സ്ഥാ​ന​ങ്ങ​ളി​ല്‍നി​ന്ന് എ​ത്തു​ന്ന​വ​രു​ടെ ക്രി​മി​ന​ല്‍ പ​ശ്ചാ​ത്ത​ലം വി​ല​യി​രു​ത്തു​ന്ന​തി​ല്‍ പൊ​ലീ​സും സ​ര്‍ക്കാ​റും ദ​യ​നീ​യ​മാ​യി പ​രാ​ജ​യ​പ്പെ​ടു​ന്നു. കു​ട്ടി​യെ ത​ട്ടി​ക്കൊ​ണ്ടു​പോ​യി കൊ​ല​പ്പെ​ടു​ത്തി​യ സം​ഭ​വ​വും കു​ട്ടി​ക​ളെ ത​ട്ടി​ക്കൊ​ണ്ടു​പോ​കാ​നു​ള്ള ശ്ര​മ​ങ്ങ​ളും അ​ട​ക്കം നി​ര​വ​ധി സം​ഭ​വ​ങ്ങ​ളാ​ണ് അ​ടു​ത്തി​ടെ റി​പ്പോ​ര്‍ട്ട് ചെ​യ്ത​ത്.ആ​റു വ​ര്‍ഷ​ത്തി​നി​ടെ അ​ന്ത​ർ​സം​സ്ഥാ​ന തൊ​ഴി​ലാ​ളി​ക​ള്‍ പ്ര​തി​ക​ളാ​യ 118 കൊ​ല​പാ​ത​ക്കേ​സു​ക​ൾ റി​പ്പോ​ര്‍ട്ട് ചെ​യ്തു. 2016 മു​ത​ല്‍ 2022 വ​രെ​യു​ള്ള കൊ​ല​ക്കേ​സു​ക​ളി​ല്‍ മാ​ത്രം 159 പേ​ര്‍ പ്ര​തി​പ്പ​ട്ടി​ക​യി​ലു​ണ്ട്.

30 ല​ക്ഷ​ത്തോ​ളം അ​ന്ത​ർ സം​സ്ഥാ​ന​ക്കാ​ർ സം​സ്ഥാ​ന​ത്ത് പ്ര​വ​ർ​ത്തി​ക്കു​ന്നു​ണ്ടെ​ന്നാ​ണ് ക​ണ​ക്ക്. എ​ന്നാ​ൽ, ക​ഴി​ഞ്ഞ ജ​നു​വ​രി 31വ​രെ​യു​ള്ള ക​ണ​ക്ക് പ്ര​കാ​രം ഇ​വ​രി​ൽ 5.16 ല​ക്ഷം തൊ​ഴി​ലാ​ളി​ക​ളാ​ണ് ആ​വാ​സി​ൽ ര​ജി​സ്റ്റ​ർ ചെ​യ്ത​ത്. ഇ​തി​ൽ 1.15 ല​ക്ഷം പേ​ർ ര​ജി​സ്റ്റ​ർ ചെ​യ്ത​ത്​ എ​റ​ണാ​കു​ളം ജി​ല്ല‍യാ​ണ്. തി​രു​വ​ന​ന്ത​പു​രം -63,788, കോ​ഴി​ക്കോ​ട് -44,628, തൃ​ശൂ​ർ -41,900 എ​ന്നി​ങ്ങ​നെ​യാ​ണ് ര​ജി​സ്ട്രേ​ഷ​ന്‍റെ ക​ണ​ക്ക്. ഇ​വ​ർ​ക്കെ​ല്ലാം തി​രി​ച്ച​റി​യ​ൽ കാ​ർ​ഡും ന​ൽ​കി.

വി​വി​ധ മേ​ഖ​ല​ക​ളി​ൽ ജോ​ലി ചെ​യ്യു​ന്ന 18നും 60​നും ഇ​ട​യി​ൽ പ്രാ​യ​മു​ള്ള തൊ​ഴി​ലാ​ളി​ക​ളാ​ണ് പ​ദ്ധ​തി​യു​ടെ കീ​ഴി​ൽ വ​രു​ന്ന​ത്. പ​ദ്ധ​തി​വ​ഴി ക​ഴി​ഞ്ഞ ജ​നു​വ​രി 31വ​രെ 374 തൊ​ഴി​ലാ​ളി​ക​ൾ​ക്ക് 50.48 ല​ക്ഷം രൂ​പ മെ​ഡി​ക്ക​ൽ ഇ​ൻ​ഷു​റ​ൻ​സ് ആ​നു​കൂ​ല്യ​വും ന​ൽ​കി. കൂ​ടാ​തെ 36 തൊ​ഴി​ലാ​ളി​ക​ളു​ടെ ആ​ശ്രി​ത​ർ​ക്ക് അ​പ​ക​ട മ​ര​ണ പ​രി​ര​ക്ഷ​യാ​യി ര​ണ്ട് ല​ക്ഷം രൂ​പ വീ​ത​വും ന​ൽ​കി​യ​താ​യാ​ണ് സ​ർ​ക്കാ​ർ രേ​ഖ​ക​ൾ.

അ​തേ​സ​മ​യം, ഇ​വ​രു​ടെ ക്രി​മി​ന​ല്‍ പ​ശ്ചാ​ത്ത​ലം പ​രി​ശോ​ധി​ക്കാ​ന്‍ വി​പു​ല സം​വി​ധാ​നം ഒ​രു​ക്കി​യി​ട്ടു​ണ്ടെ​ന്നാ​ണ് ആ​ഭ്യ​ന്ത​ര വ​കു​പ്പും തൊ​ഴി​ല്‍ വ​കു​പ്പും നി​യ​മ​സ​ഭ​യെ ഉ​ള്‍പ്പെ​ടെ അ​റി​യി​ക്കു​ന്ന​ത്. എ​ന്നാ​ല്‍, ഈ ​പ്ര​ഖ്യാ​പ​ന​ങ്ങ​ളെ​ല്ലാം ക​ട​ലാ​സി​ല്‍ ഒ​തു​ങ്ങു​ന്ന​താ​യാ​ണ് തു​ട​ര്‍ച്ച​യാ​യി അ​ര​ങ്ങേ​റു​ന്ന സം​ഭ​വ​ങ്ങ​ള്‍ തെ​ളി​യി​ക്കു​ന്ന​ത്.

തൊ​ഴി​ലാ​ളി​ക​ളു​ടെ പേ​രും മ​റ്റു വി​വ​ര​ങ്ങ​ളും പൊ​ലീ​സ് സ്റ്റേ​ഷ​നു​ക​ളി​ലെ മൈ​ഗ്ര​ന്റ് ലേ​ബ​ര്‍ ര​ജി​സ്റ്റ​റി​ല്‍ രേ​ഖ​പ്പെ​ടു​ത്ത​ണ​മെ​ന്നാ​ണ്​ ച​ട്ടം. ആ​ധാ​ര്‍ കാ​ര്‍ഡ്, തി​രി​ച്ച​റി​യ​ല്‍ കാ​ര്‍ഡ് തു​ട​ങ്ങി​യ​വ ഡേ​റ്റ ഷീ​റ്റി​ല്‍ രേ​ഖ​പ്പെ​ടു​ത്തി പൊ​ലീ​സ് സ്റ്റേ​ഷ​നു​ക​ളി​ല്‍ സൂ​ക്ഷി​ക്ക​ണം.