ഇന്ത്യയിൽ ഇന്ധന ഡിമാൻഡ് കുതിക്കുന്നു; ​എണ്ണക്കമ്പനികൾ നേടിയത് മികച്ച ലാഭം

ഇന്ത്യയുടെ പെട്രോളിയം ഉല്പന്നങ്ങളുടെ ഉപഭോഗം ഒക്ടോബറിൽ വർധിച്ചതായി കണക്കുകൾ. പ്രതിമാസ അടിസ്ഥാനത്തിൽ 8% ഉയർച്ചയാണ് ഉണ്ടായിരിക്കുന്നത്. CRISIL മാർക്കറ്റ് ഇന്റലിജൻസ് & അനലിറ്റിക്സ് റിപ്പോർട്ട് പ്രകാരമുള്ള കണക്കാണിത്.

ഗതാഗതത്തിന് ഉപയോഗിക്കുന്ന ഇന്ധനത്തിൽ 15% വർധനയുണ്ടായി. അതേ സമയം പാചക വാതകത്തിന്റെ ഡിമാൻഡ് 5% എന്ന തോതിലാണ് ഉയർന്നിരിക്കുന്നത്. നാഫ്ത അടക്കമുള്ള ഇൻഡസ്ട്രിയൽ ഫ്യുവൽ ഡിമാൻഡ് 12% വർധന നേടി.

ഏപ്രിൽ-ഒക്ടോബർ കാലയളവിൽ ട്രാൻസ്പോർട്ടേഷൻ ഫ്യുവൽ ഡിമാൻഡ് 3% ഉയർന്നു. പെട്രോൾ ഉപഭോഗത്തിൽ 7%, ഏവിയേഷൻ ടർബൈൻ ഫ്യുവൽ (ATF) ഡിമാൻഡിൽ 10%, പാചക വാതക ഡിമാൻഡ‍ിൽ 6%, ഇൻഡസ്ട്രിയൽ ഫ്യുവൽ ഡിമാൻ‍ഡിൽ 4% എന്നിങ്ങനെയാണ് ഇക്കാലയളവിൽ ഉയർച്ചയുണ്ടായിരിക്കുന്നത്.

അതേ സമയം രാജ്യാന്തര തലത്തിൽ ഇന്ധന വില ബാരലിന് ഏകദേശം 75.7 ഡോളർ എന്ന നിലവാരത്തിലാണ്. സെപ്തംബറിലെ ഉപഭോഗത്തേക്കാൾ ഏകദേശം 2% വർധനവാണിത്.

അതേസമയം 2023 ഒക്ടോബറുമായി താരതമ്യം ചെയ്യുമ്പോൾ 17% ഇടിവാണ് ഇത്തരത്തിലുണ്ടായത്. ചൈനയിൽ നിന്നടക്കം, ആഗോള തലത്തിൽ ഡിമാൻഡ് ദുർബലമായതാണ് കാരണം. പ്രതിമാസ അടിസ്ഥാനത്തിൽ ശരാശരി 5% എന്ന തോതിലാണ് ഇടിവുണ്ടായത്.

മിഡിൽ ഈസ്റ്റിലെ സംഘർഷ സാഹചര്യങ്ങൾ പരിമിതമായ തോതിൽ മാത്രമാണ് ഡിമാൻഡ് വർധിക്കാൻ കാരണമായത്. 2024ൽ നാലാം പാദം വരെ ക്രൂഡ് ഓയിൽ വില, ബാരലിന് 74-79 ഡോളർ എന്ന നിലവാരത്തിലായിരിക്കുമെന്നാണ് CRISIL പ്രൊജക്ഷൻ.

ഇന്ത്യയുടെ ആകെ ക്രൂഡ് ഓയിൽ ഇറക്കുമതിയിൽ കൂടുതലും റഷ്യൻ ഇന്ധനമാണ്. ആഗസ്റ്റിലെ ആകെ ഇറക്കുമതിയിൽ 35% എന്ന തോതാണിത്. ക്രൂഡ് ഓയിൽ സംബന്ധമായ ചിലവുകൾ ബാരലിന് 1.8 ഡോളർ എന്ന നിലവാരത്തിലാണ്.

ഏപ്രിൽ മുതൽ ആഗസ്റ്റ് വരെയുള്ള കാലയളവിൽ ഇന്ത്യൻ എണ്ണക്കമ്പനികൾക്ക് ഇത്തരത്തിൽ 60-70 മില്യൺ ഡോളറുകൾ ലാഭിക്കാൻ സാധിച്ചതായിട്ടാണ് കണക്കുകൾ സൂചന നൽകുന്നത്.

ഇക്കാലയളവിൽ സൗദിയിൽ നിന്ന് ഇന്ത്യയിലേക്കുള്ള ഇന്ധന ഇറക്കുമതി കുറഞ്ഞിട്ടുണ്ട്. സമാന കാലയളവിൽ സൗദിയിൽ നിന്നുള്ള ഇറക്കുമതി 54% എന്ന തോതിലും, ഇറാഖിൽ നിന്നുള്ള ഇറക്കുമതി 20% എന്ന നിലയിലുമായിരുന്നു.