2035-ഓടെ ​രാ​ജ്യ​ത്തെ വൈ​ദ്യു​തിയുടെ ഭൂരിഭാഗവും ഇ​ല​ക്‌​ട്രി​ക് വാ​ഹ​ന​ങ്ങ​ൾക്കായി ഉപയോഗപ്പെടുത്തേണ്ടി വന്നേക്കും

ന്യൂ​ഡ​ൽ​ഹി: രാ​ജ്യ​ത്തു​ത്പാ​ദി​പ്പി​ക്കു​ന്ന വൈ​ദ്യു​തി​യു​ടെ ന​ല്ലൊ​രു ശ​ത​മാ​ന​വും 2035ടെ ​ഇ​ല​ക്‌​ട്രി​ക് വാ​ഹ​ന​ങ്ങ​ൾ​ക്കാ​യി ഉ​പ​യോ​ഗി​ക്കു​മെ​ന്ന് റി​പ്പോ​ർ​ട്ട്. ഇ​ൻ​വെ​സ്റ്റ്മെ​ന്‍റ് മാ​നേ​ജ്മെ​ന്‍റ് സ്ഥാ​പ​ന​മാ​യ ഐ​കെ​ഐ​ജി​എ​ഐ മാ​നേ​ജ​ർ ഹോ​ൾ​ഡിം​ഗ്സി​ന്‍റെ റി​പ്പോ​ർ​ട്ടി​ലാ​ണ് ഇ​ക്കാ​ര്യം ചൂ​ണ്ടി​ക്കാ​ണി​ക്കു​ന്ന​ത്.

വ​രും വ​ർ​ഷ​ങ്ങ​ളി​ൽ ഇ​ല​ക്‌​ട്രി​ക് വാ​ഹ​ന​ങ്ങ​ളു​ടെ ആ​വ​ശ്യ​ക​ത വ​ർ​ധി​ക്കു​ന്ന​തി​നൊ​പ്പം 2035ഓ​ടെ ഇ​ന്ത്യ​യു​ടെ മൊ​ത്തം വൈ​ദ്യു​തി ഉ​പ​ഭോ​ഗ​ത്തി​ന്‍റെ 6 മു​ത​ൽ 8.7 ശ​ത​മാ​നം വ​രെ ഇ​ല​ക്‌​ട്രി​ക് വാ​ഹ​ന​ങ്ങ​ൾ ചാ​ർ​ജ് ചെ​യ്യു​ന്ന​തി​ന് ഉ​പ​യോ​ഗി​ക്കും.

2023ൽ ​ലോ​ക​ത്തെ കാ​ർ വി​ല്പ​ന​യു​ടെ 18 ശ​ത​മാ​ന​വും ഇ​ല​ക്‌​ട്രി​ക് വാ​ഹ​ന​ങ്ങ​ളാ​യി​രു​ന്നു. ഇ​തി​ൽ പ​കു​തി​യി​ല​ധി​ക​വും ചൈ​ന​യി​ൽ​നി​ന്നും ഇ​റ​ക്കു​മ​തി ചെ​യ്ത​താ​യി​രു​ന്നു.

കൂടുത​ൽ ആ​ളു​ക​ൾ ഇ​ല​ക്‌​ട്രി​ക് വാ​ഹ​ന​ങ്ങ​ളി​ലേ​ക്ക് തി​രി​ഞ്ഞ​തോ​ടെ ആ​ഗോ​ള വൈ​ദ്യു​തി ഉ​പ​ഭോ​ഗ​ത്തി​ലും കാ​ര്യ​മാ​യ സ്വാ​ധീ​നം ചെ​ലു​ത്തു​മെ​ന്നും ഇ​തി​നാ​ൽ ഊ​ർ​ജ മേ​ഖ​ല​യു​ടെ ശേ​ഷി വ​ർ​ധി​പ്പി​ക്കേ​ണ്ട​തു​ണ്ടെ​ന്നും റി​പ്പോ​ർ​ട്ട് പ​റ​യു​ന്നു.

ഇ​ന്ത്യ​യി​ൽ വ​ർ​ധി​ച്ചു​വ​രു​ന്ന താ​പ​നി​ല അ​ടു​ത്ത ദ​ശ​ക​ത്തി​ൽ എ​യ​ർ ക​ണ്ടീ​ഷ​ണ​റു​ക​ളു​ടെ (എ​സി) ആ​വ​ശ്യം കു​ത്ത​നെ വ​ർ​ധി​പ്പിക്കു​മെ​ന്ന് പ്ര​തീ​ക്ഷി​ക്കു​ന്നു.

2030ഓ​ടെ രാ​ജ്യ​ത്തെ എ​സി​ക​ളു​ടെ ആ​വ​ശ്യം ഇ​ര​ട്ടി​യാ​കും. ഇ​ത് രാ​ജ്യ​ത്തെ മൊ​ത്ത​ത്തി​ലു​ള്ള വൈ​ദ്യു​തി ഉ​പ​ഭോ​ഗം വ​ർ​ധി​പ്പി​ക്കു​മെ​ന്നും റി​പ്പോ​ർ​ട്ട് പ​റ​യു​ന്നു.