സൗദിയില്‍ പനി ബാധിച്ച്‌ മലപ്പുറം ചെമ്മാട് സ്വദേശിയായ യുവാവ് മരിച്ചു
സൗദിയില്‍ പനി ബാധിച്ച്‌ ചികിത്സയിലായിരിക്കെ മലയാളി യുവാവ് മരിച്ചു. മലപ്പുറം തിരൂരങ്ങാടി, ചെമ്മാട് സ്വദേശി നടമ്മല്‍ പുതിയകത്ത് സഫ് വാന്‍ (37) ആണ് മരിച്ചത്. 10 ദിവസം…
സൗദിയില്‍ പനി ബാധിച്ച്‌ ചികിത്സയിലായിരിക്കെ മലയാളി യുവാവ് മരിച്ചു. മലപ്പുറം തിരൂരങ്ങാടി, ചെമ്മാട് സ്വദേശി നടമ്മല്‍ പുതിയകത്ത് സഫ് വാന്‍ (37) ആണ് മരിച്ചത്. 10 ദിവസം മുന്നെയാണ് പനി ബാധിച്ചത്. അഞ്ചുദിവസമായി റിയാദിലെ സൗദി ജര്‍മന്‍ ആശുപത്രിയില്‍ ചികിത്സയിലായിരുന്ന സഫ് വാന്‍ ശനിയാഴ്ച രാത്രിയോടെയാണ് മരിച്ചത്. മരണകാരണം സൗദി അധികൃതര്‍ ഔദ്യോഗികമായി സ്ഥിരീകരിച്ചിട്ടില്ല.
റിയാദില്‍ ടാക്‌സി ഡ്രൈവറായിരുന്നു. സന്ദര്‍ശക വിസയില്‍ മാര്‍ച്ച്‌ എട്ടിന് റിയാദിലെത്തിയ ഭാര്യ ഖമറുന്നിസ ഒപ്പമുണ്ടായിരുന്നു. പരേതരായ കെ എന്‍ പി മുഹമ്മദ്-ഫാത്തിമ ദമ്പതികളുടെ മകനാണ്. സഹോദരങ്ങള്‍: അസീസ്, ശംസുദ്ദീന്‍, അബ്ദുല്‍ സലാം, ഇല്യാസ്, മുസ്തഫ, റിസ്‌വാന്‍ (ദുബൈ), ലുഖ്മാന്‍ (ഖുന്‍ഫുദ), സൈഫുനിസ, ഹാജറ, ഷംസാദ്, ഖദീജ, ആതിഖ.
ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളില്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. വായനക്കാരുടെ അഭിപ്രായങ്ങള്‍ ഈവനിംഗ്കേരളയുടേതല്ല
