കോവിഡ് 19; ഇന്ത്യയില് കഴിഞ്ഞ 24 മണിക്കൂറിനിടെ 50 മരണം
April 22, 2020ന്യൂഡല്ഹി: രാജ്യത്ത് കഴിഞ്ഞ 24 മണിക്കൂറിനുള്ളില് 50 പേര് കോവിഡ് വൈറസ് ബാധിച്ച് മരിച്ചതായി കേന്ദ്ര ആരോഗ്യ മന്ത്രാലയം അറിയിച്ചു. പുതുതായി 1383 പേര്ക്കു കൂടിയാണ് കോവിഡ് ബാധ സ്ഥിരീകരിച്ചത്. ഔദ്യോഗിക കണക്കുകള് പ്രകാരം രാജ്യത്ത് 19,984 പേര്ക്കാണ് ഇതുവരെ വൈറസ് ബാധ സ്ഥിരീകരിച്ചിരിക്കുന്നത്.
ഏപ്രില് 21ലെ കണക്ക് പ്രകാരം രാജ്യത്ത് 15,474 പേര് നിലവില് ചികിത്സയിലുണ്ട്. 3869 പേരാണ് രോഗമുക്തി നേടിയത്. കോവിഡ് വ്യാപനതോത് കുറഞ്ഞെന്നാണ് ആരോഗ്യമന്ത്രാലയം അവകാശപ്പെടുന്നത്.
ഏറ്റവും കൂടുതല് കോവിഡ് കേസുകള് റിപ്പോര്ട്ട് ചെയ്ത മഹാരാഷ്ട്രയില് വൈറസ് ബാധ സ്ഥിരീകരിച്ചവരുടെ എണ്ണം 6191 ആയി ഉയര്ന്നു. 251 പേരാണ് ഇവിടെ മരിച്ചത്. 722 പേര് രോഗമുക്തി നേടി. ഡല്ഹിയിലും കോവിഡ് വ്യാപനതോതില് വര്ധനവാണുണ്ടായിട്ടുള്ളത്. ഇതുവരെ 2156 പേര്ക്കാണ് ഇവിടെ കോവിഡ് സ്ഥിരീകരിച്ചത്.