മീനച്ചിലാറ്റില് കാണാതായ വിദ്യാര്ഥിനിയുടെ മൃതദേഹം കണ്ടെത്തി
June 8, 2020പാലാ: മീനച്ചിലാറ്റില് കാണാതായ വിദ്യാര്ഥിനിയുടെ മൃതദേഹം കണ്ടെത്തി. കാഞ്ഞിരപ്പള്ളി പൊടിമറ്റം പൂവത്തേട്ട് അഞ്ജു ഷാജിയാണ് (20) മരിച്ചത്. ശനിയാഴ്ച വൈകുന്നേരം മുതലാണ് പെണ്കുട്ടിയെ കാണാതായത്. തിങ്കളാഴ്ച രാവിലെ അഗ്നിശമനസേനയുടെ മുങ്ങല് വിദഗ്ധരാണ് മൃതദേഹം കണ്ടെത്തിയത്.
കാഞ്ഞിരപ്പള്ളിയിലെ സ്വകാര്യ കോളജില് ബികോം അവസാന വര്ഷ വിദ്യാര്ഥിനിയായ അഞ്ജു യൂണിവേഴ്സിറ്റി പരീക്ഷയെഴുതാന് ശനിയാഴ്ച ചേര്പ്പുങ്കല് കോളജിലെത്തിയിരുന്നു. പരീക്ഷയുമായി ബന്ധപ്പെട്ട ചില വിഷയങ്ങള് ഉണ്ടായിരുന്നു. വൈകുന്നേരമായിട്ടും പെണ്കുട്ടി തിരിച്ചെത്താത്തതിനെത്തുടര്ന്നു വീട്ടുകാര് പോലീസില് പരാതി നല്കിയത്.