തമിഴ്നാട്ടിൽ കോവിഡ് ബാധിച്ച് എംഎൽഎ മരിച്ചു
June 10, 2020തമിഴ്നാട്ടിൽ കോവിഡ് ബാധിച്ച് എംഎൽഎ മരിച്ചു. ഡിഎംകെ സൗത്ത് ചെന്നൈ അധ്യക്ഷൻ കൂടിയായ ജെ. അൻപഴകനാണ് മരിച്ചത്. ചെപ്പോക്ക് എംഎൽഎ ആയിരുന്നു. 61 വയസ്സായിരുന്നു.
ഈ മാസം രണ്ടാം തിയ്യതിയാണ് എംഎല്എക്ക് രോഗം സ്ഥിരീകരിച്ചത്. ഡോക്ടര് റെല ഇന്സ്റ്റിറ്റ്യൂട്ട് ആന്റ് മെഡിക്കല് സെന്ററില് ചികിത്സയിലായിരുന്നു. ചൊവ്വാഴ്ച രാത്രി ആരോഗ്യനില ഗുരുതരമായി. വൃക്ക സംബന്ധമായ അസുഖങ്ങളുമുണ്ടായിരുന്നു. കോവിഡ് പ്രതിരോധ പ്രവര്ത്തനങ്ങള്ക്കിടെയാണ് ഇദ്ദേഹത്തിന് രോഗം പകര്ന്നതെന്നാണ് നിഗമനം. രാജ്യത്ത് രോഗം ബാധിച്ച് മരിക്കുന്ന ആദ്യ എംഎല്എയാണ് അന്പഴകന്. ഇന്ന് അദ്ദേഹത്തിന്റെ ജന്മദിനമാണ്. ജന്മദിനത്തില് തന്നെയായി അദ്ദേഹത്തിന്റെ മരണവും.