24 വർഷങ്ങൾക്ക് ശേഷം മോഹൻലാലും എ.ആർ റഹ്മാനും ഒന്നിക്കുന്നു ; മലയാളത്തിലെ ചിലവേറിയ ഗാനവുമായി ആറാട്ട് ഒരുങ്ങുന്നു
24 വർഷങ്ങൾക്ക് ശേഷം മോഹൻലാലും എ.ആർ റഹ്മാനും ഒന്നിക്കുന്നു, 'ആറാട്ടി'ന്റെ ഭാഗമായാണ് സംഗീത സാമ്രാട്ട് എ ആര്‍ റഹ്മാൻ എത്തുന്നത് . ഒരു ഗാനരംഗത്തില്‍ റഹ്മാനും മോഹന്‍ലാലിനൊപ്പം…
24 വർഷങ്ങൾക്ക് ശേഷം മോഹൻലാലും എ.ആർ റഹ്മാനും ഒന്നിക്കുന്നു, 'ആറാട്ടി'ന്റെ ഭാഗമായാണ് സംഗീത സാമ്രാട്ട് എ ആര്‍ റഹ്മാൻ എത്തുന്നത് . ഒരു ഗാനരംഗത്തില്‍ റഹ്മാനും മോഹന്‍ലാലിനൊപ്പം വേഷമിടുന്നുണ്ട്. മോഹൻലാൽ തന്നെയാണ് ഇക്കാര്യം ആരാധകരുമായി പങ്കുവച്ചത്. "ആറാട്ടിനുവേണ്ടി സംഗീത സാമ്രാട്ട് എ ആര്‍ റഹ്മാനൊപ്പമുള്ള അസാധാരണവും സവിശേഷവുമായ ഒരു ഷൂട്ട്",എന്നാണ് റഹ്മാനും ഉണ്ണികൃഷ്ണനും.ഒപ്പമുള്ള ചിത്രം പങ്കുവച്ച് മോഹൻലാൽ കുറിച്ചത്. മലയാളത്തിലെ ഏറ്റവും ചെലവേറിയ ഗാനചിത്രീകരണമാണ് ഇതെന്നാണ് റിപ്പോർട്ടുകൾ വരുന്നത്. 24 വര്‍ഷങ്ങള്‍ക്കു ശേഷമാണ് മോഹന്‍ലാലും എ ആര്‍ റഹ്മാനും ഒരു സിനിമയ്ക്കുവേണ്ടി ഒന്നിക്കുന്നത്. യോദ്ധ, ഇരുവർ എന്നീ മോഹൻലാൽ ചിത്രങ്ങൾക്ക് സംഗീതം പകർന്നത് റഹ്മാനായിരുന്നു. നെയ്യാറ്റിന്‍കര ഗോപന്‍ എന്ന കഥാപാത്രത്തെയാണ് ആറാട്ടിൽ മോഹന്‍ലാല്‍ അവതരിപ്പിക്കുന്നത്.
ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളില്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. വായനക്കാരുടെ അഭിപ്രായങ്ങള്‍ ഈവനിംഗ്കേരളയുടേതല്ല
