ബീവറേജ്‌സ് കോർപറേഷൻ ഔട്ട്ലറ്റുകൾ 8 മണി വരെ

തിരുവനന്തപുരം∙ കോവിഡ് വർധിക്കുന്ന സാഹചര്യത്തിൽ ബീവറേജ്‌സ് കോർപറേഷൻ ഔട്ട്ലറ്റുകളുടെ പ്രവർത്തന സമയം ഒരു മണിക്കൂർ കുറച്ചു. നിലവിൽ രാവിലെ 10 മുതൽ രാത്രി 9 വരെയാണ് സമയം. ഇനി മുതൽ രാത്രി 8 മണിക്ക് ഷോപ്പുകൾ അടയ്ക്കും. കർഫ്യൂ ആരംഭിക്കുന്നതിനു മുൻപ് ജീവനക്കാർക്ക് വീടുകളിലെത്താനുള്ള സൗകര്യം ഒരുക്കണമെന്ന് ബീവ്‌കോ അധികൃതര്‍ നിർദേശിച്ചു. 265 ഔട്ട്ലറ്റുകളാണ് ബീവ്കോയ്ക്കുള്ളത്. കോവിഡ് വർധിക്കുന്ന സാഹചര്യത്തിൽ ബെവ്ക്യൂ ആപ്പ് വീണ്ടും ഉപയോഗിക്കുന്നതിനെക്കുറിച്ച് ആലോചിച്ചിട്ടില്ലെന്ന് അധികൃതർ വ്യക്തമാക്കി.