ലോകത്തിലെ മൂന്നാമത്തെ സമ്പന്നന്‍ മാര്‍ക്ക് സക്കര്‍ബര്‍ഗ്

വാഷിങ്ടണ്‍: ഫേസ്ബുക്ക് ഉടമ മാര്‍ക്ക് സക്കര്‍ബര്‍ഗ് ബെര്‍ക്ക്‌ഷെയര്‍ ഹാത്വേ ചെയര്‍മാന്‍ വാരന്‍ ബഫറ്റിനെ പിന്തള്ളി ലോകത്തിലെ മൂന്നാമത്തെ സമ്ബന്നന്‍. ആമസോണ്‍ ഉടമ ജെഫ് ബെസോസ്, മൈക്രോസോഫ്റ്റ് സ്ഥാപകന്‍ ബില്‍ ഗേറ്റ്‌സ് എന്നിവര്‍ മാത്രമാണ് സക്കര്‍ബര്‍ഗിന് മുന്നിലുള്ളത്.

ബ്ലൂംബര്‍ഗ് ബില്ല്യണയേഴ്‌സ് സൂചികയില്‍ ഫേസ്ബുക്കിെന്റ ഷെയര്‍ വെള്ളിയാഴ്ച 2.4 ശതമാനം വര്‍ധിച്ചതോടെയാണ് ബെര്‍ക്ക്‌ഷെയര്‍ ഹാത്വേ സ്ഥാപകനെ സക്കര്‍ബര്‍ഗ് പിന്തള്ളിയത്. ഇതാദ്യമായാണ് ടെക്‌നോളജി രംഗത്തുള്ളവര്‍ ലോകത്തിലെ ഏറ്റവും വലിയ സമ്ബന്നരുടെ പട്ടികയില്‍ ആദ്യ മൂന്ന് സ്ഥാനവും കയ്യടക്കുന്നത്.
34 കാരനായ സക്കര്‍ബര്‍ഗിന്റെ ആസ്തി 81.6 ബില്ല്യനാണ്(5.61 ലക്ഷം കോടി രൂപ). അത് 87കാരനായ ബഫറ്റിനേക്കാളും 373 മില്യണ്‍ (2,565 കോടി രൂപ) അധികമാണ്. നേരത്തെ വിവരച്ചോര്‍ച്ച വിവാദത്തെ തുടര്‍ന്ന് ഫേസ്ബുക്കിന്റെ ഓഹരി വില കുത്തനെ ഇടിഞ്ഞിരുന്നു. എട്ടുമാസത്തിനിടയിലെ ഏറ്റവും വലിയ തകര്‍ച്ചയായ 152.22 ഡോളറിലേക്കാണ് (10,467 രൂപ) ഓഹരി വില കൂപ്പുകുത്തിയത്. വെള്ളിയാഴ്ച വിപണി അവസാനിച്ചത് 203.23 ഡോളറിലായിരുന്നു(13975 രൂപ) ഓഹരി വില.

ഇവിടെ പോസ്റ്റു ചെയ്യുന്ന അഭിപ്രായങ്ങൾ ഈവനിംഗ് കേരളയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.

Leave a Reply

Your email address will not be published. Required fields are marked *