കാസർകോട് ജില്ലയിൽ ഇന്ന് (22-10-2024);ഒഴിവുകൾ ,അറിയിപ്പുകൾ

അധ്യാപക ഒഴിവ്   22-10-24

കാസർകോട് ∙ നുള്ളിപ്പാടി ഗവ.യുപി സ്കൂളി‍ൽ (പുലിക്കുന്ന്) മലയാളം എൽപി വിഭാഗത്തിൽ ഒരു അധ്യാപക ഒഴിവുണ്ട്. അഭിമുഖം നാളെ രാവിലെ 11ന് സ്കൂൾ ഓഫിസിൽ.

കുമ്പള ∙ കൊടിയമ്മ ഗവ. ഹൈസ്കൂളിൽ എൽപി വിഭാഗത്തിൽ മലയാളം അധ്യാപകന്റെ താൽക്കാലിക ഒഴിവുണ്ട്. കൂടിക്കാഴ്ച നാളെ 11 ന് സ്കൂൾ ഓഫിസിൽ.

രാജപുരം ∙ കൊട്ടോടി ഗവ. ഹയർസെക്കൻഡറി സ്കൂളിൽ യുപി വിഭാഗത്തിൽ ഒരു അധ്യാപകന്റെയും, ഹൈസ്കൂൾ വിഭാഗത്തിൽ ഇംഗ്ലിഷ്, ഫിസിക്കൽ സയൻസ്, ഫിസിക്കൽ എജ്യുക്കേഷൻ തസ്തികയിൽ ഒഴിവുണ്ട്. അഭിമുഖം നാളെ രാവിലെ 10.30ന് സ്കൂൾ ഓഫിസിൽ. 9747377099.

ജോലി ഒഴിവ്: ബോവിക്കാനം ∙ മുളിയാർ സാമൂഹിക ആരോഗ്യ കേന്ദ്രത്തിൽ ആശുപത്രി മാനേജ്മെന്റ് കമ്മിറ്റിയുടെ കീഴിൽ ഡേറ്റ എൻട്രി ഓപ്പറേറ്ററെ നിയമിക്കുന്നു. യോഗ്യത: ഡിഗ്രി, പിജിഡിസിഎ, ഡിസിഎ, ഇംഗ്ലിഷ് ആൻഡ് മലയാളം, 2 വർഷത്തെ മുൻപരിചയം. അഭിമുഖം ഇന്ന് 11നു ആരോഗ്യ കേന്ദ്രത്തിൽ.

താൽക്കാലിക നിയമനം 

ബോവിക്കാനം ∙ മുളിയാർ സാമൂഹിക ആരോഗ്യ കേന്ദ്രത്തിൽ ഡയാലിസിസ് ടെക്നിഷ്യൻ തസ്തികയിൽ താൽക്കാലിക നിയമനം നടത്തുന്നു. യോഗ്യത: പ്ലസ്ടു, ഡയാലിസിസ് ടെക്നിഷ്യൻ ബിരുദം / ഡിപ്ലോമ, കേരള പാരാമെഡിക്കൽ റജിസ്ട്രേഷൻ സർട്ടിഫിക്കറ്റ്. യോഗ്യതാ സർട്ടിഫിക്കറ്റുകളുടെ പകർപ്പുകൾ സഹിതം 31ന് 12ന് അകം chcmuliyar@gmail.com എന്ന ഇ – മെയിലിലോ തപാൽ മുഖേനയോ അപേക്ഷ സമർപ്പിക്കണം. വിലാസം: കാറഡുക്ക ബ്ലോക്ക് പഞ്ചായത്ത് കുടുംബാരോഗ്യ കേന്ദ്രം മുളിയാർ, ബോവിക്കാനം – 671542.